મોરબીના ટિંબડી અને ધરમપુર ગામ વચ્ચેથી તમંચા સાથે એકની ધરપકડ

મોરબીના ટિંબડી ગામના બસ સ્ટેશનથી ધરમપુર ગામ તરફ જવાના કાચા રસ્તા ઉપરથી એક શખ્સ પસાર થઈ રહ્યો હતો ત્યારે એલસીબીની ટીમ દ્વારા રોકીને ચેક કરવામાં આવતા તેની પાસેથી દેશી બનાવટનો એક તમંચો મળી આવ્યો હતો જેથી કરીને પોલીસે ૫૦૦૦ રૂપિયાની કિંમતનું હથિયાર કબજે કરીને મોરબી તાલુકા પોલીસ સ્ટેશન ખાતે આર્મ્સ એક્ટ મુજબ ગુનો નોંધી આગળની રાબેતા મુજબની કાર્યવાહી હાથ ધરી છે

મોરબી જિલ્લા એલસીબીની ટિમ મોરબીના ટિંબડી ગામના બસ સ્ટેશન પાસેથી ધરમપુર ગામ તરફ જવાના કાચા રસ્તા ઉપરથી એક શખ્સ પસાર થઈ રહ્યો હતો ત્યારે તેને રોકીને ચેક કરવામાં આવ્યો હતો ત્યારે તે શખ્સ પાસેથી દેશી બનાવટનો એક તમંચો કબજે કર્યો હતો અને ૫૦૦૦ રૂપિયાની કિંમતનો મુદ્દામાલ કબજે કરીને મકસુદભાઈ ઉર્ફે ટાલો મુસાભાઇ ચૌહાણ જાતે સિપાહી (૩૫) રહે. હાલ લાતી પ્લોટ શેરી નં-૫ મોરબી મૂળ રહે. નસીતપર તાલુકો ટંકારા વાળાની ધરપકડ કરેલ છે અને તેની સામે મોરબી તાલુકા પોલીસ સ્ટેશન ખાતે આર્મ્સ એકટ મુજબ ફરિયાદ નોંધવામાં આવી છે અને આ શખ્સ પાસેથી મળી આવેલ હથિયાર તે કોની પાસેથી લાવ્યો હતો તે દિશામાં પોલીસ દ્વારા આગળની તપાસ પીએસઆઇ બી.એ. ગઢવી ચલાવી રહ્યા છે