ટંકારાના ઉગમણા નાકે રહેતી યુવતી મહેંદી મૂકવા જવાનું કહીને ગુમ

ટંકારાના ઉગમણા નાકા પાસે રહેતી યુવતી ઘરેથી મહેંદી મૂકવા માટે જાઉં છું તેવું કહીને નીકળ્યા બાદ ઘરે પરત આવેલ નથી જેથી કરીને ગુમ થયેલ યુવતીની માતા દ્વારા ટંકારા તાલુકા પોલીસ સ્ટેશન ખાતે ગુમસુધા ફરિયાદ આપવામાં આવી છે જેના આધારે પોલીસે નોંધ કરી ગુમ થયેલ યુવતીને શોધવા માટે થઈને તજવીજ શરૂ કરેલ છે

બનાવની જાણવા મળતી માહિતી મુજબ ટંકારાના ઉગમણા નાકા પાસે રહેતા હંસાબેન નાનજીભાઈ સારેશા જાતે અનુ. જાતિ (૪૫)એ તેઓની દીકરી ગુમ થઈ હોવા અંગેની ગુમસુધા ફરિયાદ ટંકારા તાલુકા પોલીસ સ્ટેશન ખાતે આપી છે જેમાં તેને જણાવ્યુ છે કે, તેમની દીકરી શિલ્પાબેન નાનજીભાઈ સારેશા (૨૦) પોતાના ઘરેથી ગત તા, ૧૮/૧૨ ના સવારે ૯ વાગ્યાના સમયે મહેંદી મૂકવા જવાનું કહીને નીકળી હતી અને ત્યારબાદ તે ઘરે પરત આવેલ નથી અને આજુબાજુમાં તથા સંબંધીઓમાં તપાસ કરતા કોઈ જગ્યાથી તેનો પતો લાગે નથી જેથી કરીને આ યુવતી ગુમ થઈ હોવા અંગેની ગુમ થયેલ યુવતીની માતાએ ટંકારા તાલુકા પોલીસ સ્ટેશન ખાતે ફરિયાદ આપેલ છે જેના આધારે પોલીસે યુવતીને શોધવા માટે તજવીજ શરૂ કરી છે અને આ અંગેની આગળની વધુ તપાસ ટંકારા તાલુકા પોલીસ સ્ટેશનના એસ.બી. સીદીકી ચલાવી રહ્યા છે

અકસ્માતમાં ઇજા

મોરબીના એસપી રોડ ઉપર રહેતા ચંદુભાઈ ખીમજીભાઇ કુંડારિયા (૪૬) એસપી રોડ ઉપરથી જતા હતા ત્યારે બાઈક અથડાતાં અકસ્માતના બનાવમાં તેને ઈજા થઈ હતી જેથી કરીને ઇજાગ્રસ્તને સારવાર માટે હોસ્પિટલે લઈને આવ્યા હતા અને ક્રિષ્ના હોસ્પિટલ ખાતેથી સારવાર આપવામાં આવ્યા બાદ આ બનાવ અંગેની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવની નોધ કરીને આગળની કાર્યવાહી કરેલ છે અને વધુ તપાસ હરેશભાઈ ચાવડા ચલાવી રહ્યા છે