મોરબીની યુવતી સાથે દુષ્કર્મ-સૃષ્ટિ વિરુદ્ધનું કૃત્ય આચારનારા આરોપીના બે દિવસના રિમાન્ડ મંજૂર

મોરબીમાંથી યુવતીનું અપહરણ કરવામાં આવ્યું હતું ત્યાર બાદ તે યુવતીને માર મારીને તેની સાથે નાના દહીસરા ગામે આરોપીએ તેના મામાની વાડીએ છરીની અણીએ દુષ્કર્મ અને સૃષ્ટિ વિરુદ્ધનું કૃત્ય આચર્યું હતું જેની યુવતીએ મોરબી સીટી એ ડિવિઝન પોલીસ સ્ટેશને ફરિયાદ નોંધાવી હતી જેના આધારે પોલીસે આરોપીને પકડીને તેને કોર્ટમાં રિમાન્ડની માંગણી સાથે રજૂ કર્યો હતો અને કોર્ટે આરોપીના બે દિવસના રિમાન્ડ મંજૂર કરેલ છે

મોરબીમાં રહેતી યુવતીના પાંચ વર્ષ પહેલા છૂટાછેડા થઈ ગયા હતા અને તે યુવતી ઇન્સ્ટાગ્રામના મધ્યમથી નાના દહીંસરા ગામના ઇરફાન અલીભાઈ સુમરાના સંપર્કમાં આવી હતી અને ત્યાર બાદ તે બંને વચ્ચે વાતચીત અને વિડીયોકોલ થતાં હતા તેવામાં યુવતીએ ઇરફાન સુમરા સાથે સંબંધ કાપી નાખ્યા હતા અને મોરબીમાં તેના ભાઇ સાથે રહેવા આવી ગઈ હતી. જેથી ઇરફાન અલીભાઈ સુમરાએ યુવતીને ઇન્સ્ટાગ્રામમાં થયેલ વાતચીત અને વીડિયો કોલિંગનું સ્ક્રીન રેકોર્ડિંગ વાયરલ કરવાની ધમકી આપી હતી અને યુવતીનું પંચાસર રોડ ઉપરથી થોડા દિવસો પહેલા અપહરણ કર્યું હતું અને આરોપી નાના દહીંસરા ગામે તેના મામાની વાડીએ યુવતીને લઈ ગયો હતો અને ત્યાં છરીની અણીએ યુવતીની સાથે દુષ્કર્મ અને સૃષ્ટિ વિરુદ્ધનું કૃત્ય આચર્યું હતું તેમજ યુવતીને માર માર્યો હતો જેની યુવતીએ સારવાર લીધા પછી મોરબી એ ડિવિઝન પોલીસ સ્ટેશને ફરિયાદ કરી હતી જેના આધારે પોલીસે નાના દહીંસરા ગામના રહેતા આરોપી ઇરફાન અલીભાઈ સુમરા (૨૭)ની ધરપકડ કરી હતી અને તેને રિમાન્ડની માંગણી સાથે કોર્ટમાં રજૂ કર્યો હતો ત્યારે કોર્ટે આરોપીના બે દિવસના રિમાન્ડ મંજૂર કરેલ છે