ઓનલાઈન ફ્રોડ: મોરબીના કારખાનેદારના બેન્ક એકાઉન્ટમાંથી ૩૫ લાખ રૂપિયા ઓનલાઇન ટ્રાન્સફર વિશ્વાસઘાત
SHARE
JOIN OUR GROUP
ઓનલાઈન ફ્રોડ: મોરબીના કારખાનેદારના બેન્ક એકાઉન્ટમાંથી ૩૫ લાખ રૂપિયા ઓનલાઇન ટ્રાન્સફર વિશ્વાસઘાત
મોરબીના કારખાનેદારનું એચડીએફસી બેન્કમાં એકાઉન્ટ આવેલ છે તે એકાઉન્ટમાંથી સમયાંતરે જુદા જુદા બેન્ક એકાઉન્ટમાં કોઈપણ રીતે ૩૫ લાખ રૂપિયા ઓનલાઇન ટ્રાન્સફર કરી લેવામાં આવ્યા છે અને ઓનલાઈન ફ્રોડ કરવામાં આવ્યું છે જેથી કરીને ભોગ બનેલા કારખાનેદાર દ્વારા હાલમાં જુદા જુદા ત્રણ બેન્ક એકાઉન્ટના ધારકોની સામે મોરબી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે
જાણવા મળતી વિગત પ્રમાણે મોરબીના રવાપર ગામે ઉમિયા નગર સોસાયટીમાં આવેલ શુભ પેલેસ ફ્લેટ નં-૩૦૩ માં રહેતા આશિષભાઈ નરશીભાઈ સીતાપરા જાતે પટેલ (૩૬)એ હાલમાં આઇ.સી.આઇ.સી.આઇ. બેંક એકાઉન્ટ નંબર- ૭૭૪૦૦૧૦૦૦૧૧૪, આઇસીઆઇસીઆઇબેંક એકાઉન્ટ નંબર ૬૬૯૩૦૧૦૧૮૬૫૭ અને આઇડીએફસીબેંકએકાઉન્ટ નંબર ૧૦૧૩૦૭૮૯૯૬૫ ના ધારકોની સામે ફરિયાદ નોંધાવેલ છે જેમાં તેને જણાવ્યુ છે કે, મોરબીની એચડીએફસી બેન્કની બ્રાન્ચમાં તેનું વીકોન કંપની નામનો કરંટ એકાઉન્ટ અને સીસી એકાઉન્ટ છે જે એકાઉન્ટમાંથી જુદા જુદા ત્રણ બેન્ક એકાઉન્ટની અંદર સમયયાંતરે ફરિયાદીની જાણ બહાર કોઈ પણ રીતે ઇલેક્ટ્રોનિક માધ્યમનો ઉપયોગ કરીને કે પછી ફરિયાદીના નેટ બેન્કિંગના પાસવર્ડનો ઉપયોગ કરીને વિશ્વાસઘાત કરી તેના બેન્ક એકાઉન્ટમાંથી સમયાંતરે અનુક્રમે ૧૫ લાખ, ૧૦ લાખ અને ૧૦ લાખ રૂપિયા ટ્રાન્સફર કરી લેવામાં આવ્યા છે આમ કુલ મળીને જુદા જુદા ત્રણેય બેન્ક એકાઉન્ટમાં ૩૫ લાખ રૂપિયા ટ્રાન્સફર કરીને ઓનલાઈન ફ્રોડ કરવામાં આવ્યું છે જેથી કરીને હાલમાં ભોગ બનેલા યુવાને નોંધાવેલ ફરિયાદ આધારે પોલીસે ગુનો નોંધીને આગળની રાબેતા મુજબની કાર્યવાહી હાથ ધરી છે
