મોરબીના જીવાપર (આ) નજીક કારખાનના ક્વાર્ટરમાં યુવતીએ અંતિમ પગલું ભર્યું

મોરબી તાલુકાના જીવાપર (આ) ગામ પાસે આવેલ મારુતિ પ્લાસ્ટિકના ક્વાર્ટરમાં કોઈ કારણોસર ગળાફાંસો ખાઈને યુવતીએ આપઘાત કરી લીધો હતો જેથી કરીને તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટર તેને જોઈ તપાસીને મૃત જાહેર કરી હતી અને આ બનાવની મોરબી તાલુકા પોલીસને જાણ કરતા પોલીસે આપઘાતના બનાવની નોંધ કરી રાબેતા મુજબની કાર્યવાહી હાથ ધરી છે

બનાવી જાણવા મળતી માહિતી મુજબ મોરબી તાલુકાના જીવાપર (આ) ગામ નજીક આવેલ મારુતિ પ્લાસ્ટિક કારખાનામાં રહેતા અને મજૂરી કામ કરતા માંગલીબેન જાલમભાઈ આમલીયાર (૨૦) નામની યુપીએ મારુતિ પ્લાસ્ટિક કારખાનાના લેબર ક્વાર્ટરમાં કોઈપણ કારણોસર ગળાફાંસો ખાઈ લીધો હતો જેથી કરીને તેને તાત્કાલિક સારવાર માટે ૧૦૮ મારફતે મોરબીની સિવિલ હોસ્પિટલ ખાતે લઈને આવ્યા હતા ત્યાં ફરજ પરના ડોક્ટરે તે યુવતીને જોઈ તપાસીને મૃત જાહેર કરી હતી અને ત્યારબાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે આપઘાતના બનાવની નોંધ કરી આગળની કાર્યવાહી હાથ ધરી હતી અને આ બનાવની વધુ તપાસ મોરબી તાલુકા પોલીસ સ્ટેશનના ફિરોજભાઈ સુમરા ચલાવી રહ્યા છે