મોરબી નજીક કારખાનાના ગોડાઉનમાં અડપલાં કરતાંની સાથે બાળકીએ દેકારો કરતાં કરી નાખી હત્યા: ગુનો નોંધાયો

મોરબીના લખધીરપુર રોડ ઉપર આવેલ સીરામીક કારખાનાના ગોડાઉનમાંથી ચાર વર્ષ અને દસ મહિનાની બાળકીની હત્યા કરેલી લાશ મળી આવી હતી જેથી બાળકીના મૃતદેહને ફોરેન્સિક પીએમ માટે લઈ જવામાં આવ્યો હતો અને હાલમાં ભોગ બનેલ બાળકીના પિતાએ કારખાનામાં જ કામ કરતાં શખ્સની સામે તેની દીકરીની સાથે અડપલાં કરીને તેનુઈ હત્યા કરી હોવાની ફરિયાદ નોંધાવી છે જેથી કરીને મોરબી તાલુકા પોલીસે હાલમાં હત્યા સહિતની કલમ હેઠળ ગુનો નોંધીને આરોપીને પકડવા માટે તજવીજ શરૂ કરી છે

બનાવની જાણવા મળતી વિગત પ્રમાણે મોરબીના લખધીરપુર રોડ ઉપર આવેલ ન્યુ રોયલ સીરામીક કારખાનાના ટાઇલ્સનો માલ ભરેલા ગોડાઉનમાંથી ત્યાં રહેતા અને મજૂરી કામ કરતા મૂળ ઉત્તર પ્રદેશના રહેવાસી યુવાનની ચાર વર્ષ અને દસ મહિનાની દીકરીની ગળાટુંપો આપીને હત્યા કરેલી હાલતમાં લાશ મળી આવી હતી જેથી આ બનાવની મોરબી તાલુકા પોલીસને કારખાનેદાર દ્વારા જાણ કરવામાં આવી હતી અને પોલીસે મૃતક બાળકીના મૃતદેહને પીએમ માટે પ્રથમ મોરબી અને ત્યાંથી ફોરેન્સિક પીએમ માટે રાજકોટ લઈ જવામાં આવ્યો હતો ત્યાર બાદ હત્યાના આ બનાવમાં હાલમાં મૃતક બાળકીના પિતા ન્યુ રોયલ કારખાનામાં ટાઈલ્સના સેમ્પલ લેવાનુ કામ કરતાં રવિભાઇ મનસુખભાઇ મેંદપરા સામે હત્યાની ફરિયાદ નોંધાવી છે જેમાં તેને જણાવ્યુ છે કે, તેની દીકરીને કોઈપણ લાલચ આપીને ન્યુ રોયલ ફેકટરીના ગોડાઉનમાં આરોપી લઇ ગયો હતો અને ત્યાં ફરીયાદીની દિકરી સાથે શરીરે અડપલા કર્યા હતા અને ચેન-ચાળા કરતાની સાથે જ ફરીયાદીની દિકરીએ દેકારો કરતાં તેની હત્યા કરી નાખેલ છે જેથી કરીને હલમ મૃતક બાળકીના પિતાએ નોંધાવેલ ફરિયાદ આધારે પોલીસે હત્યા સાહિની કલમ હેઠળ ગુનો નોંધીને આગળની કાર્યવાહી શરૂ કરેલ છે અને આરોપી પોલીસની હાથવેંતમાં હોવાનું સૂત્રો પાસેથી જાણવા મળેલ છે