ટંકારામા પાણીના ટાંકા પાસે કપડાં ધોતા મહિલાની સાથે બોલાચાલી કરીને વાળ પકડીને માર માર્યો

ટંકારામાં જબલપુર રોડે ઇન્દ્રપ્રસ્થ સોસાયટીમાં આવેલ પાણીના ટાંકા પાસે મહિલા કપડાં ધોઇ રહી હતી ત્યારે ત્યાંથી પસાર થયેલા શખ્સે પાણીનો બગાડ ન કરો તેવું કહ્યું હતું ત્યારે તેમણે કહ્યું હતું કે પાણીનો બગાડ નથી કરતી કપડાં ધોવું છું જે બાબતનો ખાર રાખીને દંપતીએ મહિલાની સાથે બોલાચાલી કરી હતી ત્યારબાદ મળીને ઢીકાપાટુનો તેમજ વાળ પકડીને માર માર્યો હતો અને તલવાર લઈને મહિલા મારવા માટે આવી હતી અને મારી નાખવાની ધમકી આપી હતી જેથી કરીને ભોગ બનેલ મહિલા દ્વારા હાલમાં ટંકારા તાલુકા પોલીસ સ્ટેશન ખાતે ફરિયાદ નોંધવામાં આવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ ટંકારા તાલુકાના જબલપુર રોડ ઉપર આવેલ ઇન્દ્રપ્રસ્થ સોસાયટીમાં રહેતા રણજીતાબેન સંજયભાઈ સવસાણી જાતે પટેલ (૩૫)એ હાલમાં ટંકારા તાલુકા પોલીસ સ્ટેશન ખાતે મુકેશભાઈ ચંદારાણા તથા તેના પત્ની ડોલીબેન મુકેશભાઈ ચંદારાણાની સામે ફરિયાદ નોંધાવેલ છે જેમાં તેને જણાવ્યૂ છે કે, સોસાયટીમાં તેના ઘર પાસે આવેલ પાણીના ટાંકા નજીક તેઓ કપડા ધોતા હતા ત્યારે મુકેશભાઈ ચંદારાણા ત્યાંથી નીકળ્યા હોય પાણી ઓછું બગાડો તેવું કહ્યું હતું ત્યારે ફરિયાદી મહિલાએ કહ્યું હતું કે “હું પાણી બગાડતી નથી કપડાં ધોવ છું” જેથી તેને મુકેશભાઇ જેમ ફાવે તેમ બોલવા લાગ્યા હતા ત્યારબાદ તેના પત્નીએ ત્યાં આવીને ગાળો આપીને મહિલાને ઢીકાપાટુનો માર માર્યો હતો અને વાળ પકડીને જમીન ઉપર પછાડી દીધી હતી અને મુઢ ઇજા કરી હતી જેથી કરીને ફરિયાદી મહિલાના પતિ સંજયભાઈ તથા ખોડુભાઈ તેઓના ઘરે તેને સમજાવવા માટે થઈને ગયા હતા ત્યારે ડોલીબેન ચંદારાણા તલવાર લઈને ઘરમાંથી બહાર આવ્યા હતા અને ત્યારે ખોડુભાઈએ તેની પાસેથી તલવાર છીનવી લીધી હતી. જેથી ડોલીબેને ફરિયાદી તથા સાહેદોને જેમ ફાવે તેમ ગાળો આપી હતી અને જાનથી મારી નાખવાની ધમકી આપી હોય હાલમાં ભોગ બનેલ મહિલા દ્વારા નોંધવામાં આવેલ ફરિયાદ આધારે પોલીસે ગુનો નોંધી આગળની કાર્યવાહી હાથ ધરી છે અને આ બનાવની વધુ તપાસ ટંકારા તાલુકા પોલીસ સ્ટેશનના એસ.બી. સીદીકી ચલાવી રહ્યા છે