મોરબીના ચાંચાપર ગામે ઘર પાસે ટેમ્પો પલટી મારતા ઓટલે બેઠલા વૃદ્ધને ઇજા થતાં સારવારમાં

મોરબીના ચાચાપર ગામે વૃદ્ધ પોતાના ઘરના ઓટલા પાસે બેઠા હતા ત્યારે ત્યાંથી નીકળેલ ટેમ્પાના ચાલકે બેફિકરાઈથી પોતાનું વાહન ચલાવી રહયો હતો જેથી કરીને ટેમ્પો પલટી મારી જતા ઘરના ઓટલા પાસે બેસેલા વૃદ્ધને શરીરે, પીઠ, કમર તેમજ છાતીના ભાગે ઇજા થઈ હતી જેથી કરીને ઇજાગ્રસ્ત હાલતમાં તેને સારવાર માટે હોસ્પિટલે લઈને આવ્યા હતા અને ત્યારબાદ તેણે નોંધાવેલ ફરિયાદ આધારે પોલીસે આરોપીને પકડવા માટે તજવીજ શરૂ કરે છે

બનાવની જાણવા મળતી મુજબ મોરબી તાલુકાના ચાચાપર ગામે રહેતા મોતીભાઈ અમરશીભાઈ આદ્રોજા જાતે પટેલ (૭૦) પોતાના ઘરના ઓટલા પાસે બેઠા હતા ત્યારે ટેમ્પો નંબર જીજે ૩ એક્સ ૩૭૨૩ ના ચાલકે પોતાનું વાહન બેફિકરાયથી ચલાવીને એકદમ વણાંક વાળતા ટેમ્પો ફરિયાદીના ઘર પાસે પલટી મારી ગયો હતો જેથી કરીને ઘર પાસે ઓટલા ઉપર બેઠેલા મોતીભાઈને કમર, પીઠ અને છાતીના ભાગે ઇજાઓ તે હોવાથી ઇજાગ્રસ્ત હાલતમાં તેને સારવાર માટે હોસ્પિટલે લઇ ગયા હતા અને ત્યાં તેને સારવાર આપ્યા બાદ ભોગ બનેલા વૃદ્ધે ટેમ્પાના ચાલક સામે ફરિયાદ નોંધાવતા પોલીસે આરોપીને પકડવા માટે તજવીજ શરૂ કરેલ છે