ભાજપમાં આવી ગયેલા ગુંડાઓના નામ જાહેર કરો: મોરબીના ધારાસભ્યને કોંગ્રેસનો પડકાર
Morbi Today
હળવદના સુરવદર-માળિયામાં દારૂની બે રેડ: નાની મોટી દારૂની ૧૫૦ બોટલ કબજે, બુટલેગરોની શોધખોળ
SHARE
JOIN OUR GROUP
હળવદના સુરવદર-માળિયામાં દારૂની બે રેડ: નાની મોટી દારૂની ૧૫૦ બોટલ કબજે, બુટલેગરોની શોધખોળ
હળવદ તાલુકાના સુરવદર ગામની સીમમાં ઝૂપડામાં અને મીયાણાની મોટી બજાર માલાણી શેરીમાં દારૂની બે રેડ કરી હતી ત્યારે ઝૂપડામાંથી ૩૦ બોટલ દારૂ મળ્યો હતો જો કે, આરોપી ન હોવાથી પોલીસે તેને પકડવા માટે તજવીજ શરૂ કરેલ છે આવી જ રીતે માળીયામાં ઘરમાંથી દારૂના ૧૨૦ ચપલા મળી આવ્યા છે જો કે, આરોપી હાજર ન હોવાથી તેની સામે ગુનો નોંધી તેને પકડવા માટે તજવીજ શરૂ કરેલ છે
જાણવા મળતી વિગત પ્રમાણે હળવદ તાલુકાના સુરવદર ગામની શોભાસર સીમ વાળા રસ્તે ઝૂંપડામાં દારૂનો જથ્થો હોવાની બાતમી મળી હતી જેના આધારે પોલીસે ત્યાં દારૂની રેડ કરી હતી ત્યારે ઝૂંપડામાંથી દારૂની ૩૦ બોટલ મળી આવી હતી જેથી કરીને પોલીસે ૨૫,૫૦૦ ની કિંમતનો દારૂનો જથ્થો કબજે કર્યો હતો અને આરોપી ધર્મેન્દ્ર ઉર્ફે ધમો કરસનભાઈ ધામેચા જાતે કોળી રહે. સુરવદર તાલુકો હળવદ વાળો સ્થળ ઉપર હાજર ન હોવાથી પોલીસે તેની સામે ગુનો નોંધીને તેને પકડવા માટે આગળની રાબેતા મુજબની કાર્યવાહી હાથ રહે છે
માળિયા મિયાણાની મોટી બજાર માલાણી શેરીમાં રહેતા રસુલ ઉર્ફે કારો માલાણીના ઘરની અંદર દારૂનો જથ્થો હોવાની બાતમી સ્થાનિક પોલીસને મળી હતી જેના આધારે પોલીસે ત્યાં દારૂની રેડ કરી હતી ત્યારે ઘરમાંથી દારૂના ૧૨૦ ચપલા મળી આવ્યા હોય પોલીસે ૧૨ હજાર રૂપિયાની કિંમતનો દારૂનો જથ્થો કબજે કર્યો હતો જોકે, આરોપી રસુલ ઉર્ફે કારો મુસાભાઈ માલાણી ઘરમાં હાજર ન હોવાથી પોલીસે તેની સામે ગુનો નોંધીને તેને પકડવા માટે તજવીજ શરૂ કરેલ છે
