મોરબીના અણિયારી નજીક કાર ચાલકે બાઇકને હડફેટે લેતા યુવાનને માથા, ખભા, પાંસળી, પગમાં ફેક્ચર
Morbi Today
ગજબ : મોરબીમાં યુવાનને તેની પત્નીએ માથામાં લોઢી મારીને હાથમાં બચકું ભરી લીધું !
SHARE
JOIN OUR GROUP
ગજબ : મોરબીમાં યુવાનને તેની પત્નીએ માથામાં લોઢી મારીને હાથમાં બચકું ભરી લીધું !
મોરબી નજીકના શનાળા ગામે વણકરવાસમાં રહેતા યુવાને તેની પત્નીએ લોઢી વડે માથામાં માર માર્યો હતો અને ગાળો આપી હતી તેમજ જમણા હાથના અંગૂઠામાં બચકુ ભરી લીધું હતું જેથી કરીને ભોગ બનેલા યુવાને સારવાર લીધા બાદ હાલમાં એ ડિવિઝન પોલીસ સ્ટેશન ખાતે પોતાની પત્ની સામે ફરિયાદ નોંધાવતા પોલીસે ગુનો નોંધી આગળની રાબેતા મુજબ કાર્યવાહી હાથ ધરી છે.
બનાવની જાણવા મળતી માહિતી મુજબ મોરબી નજીકના શનાળા ગામે આવેલ વણકરવાસ વિસ્તારમાં રહેતા નારણભાઈ રામજીભાઈ સોલંકી (૩૩) એ હાલમાં તેની પત્ની સીતાબેન નારણભાઈ સોલંકીની સામે ફરિયાદ નોંધાવી છે જેમાં તેને જણાવ્યુ છે કે, તેઓ પોતાના ઘરે હતા ત્યારે કોઈ કારણોસર તેની પત્ની સાથે બોલાચાલી થઈ હતી અને ત્યારે તેની પત્નીએ તેના હાથમાં રહેલ રોટલી બનાવવા માટેની લોખંડની લોઢી તેના માથાના જમણા ભાગમાં મારી હતી અને તેને ગાળો આપીને જમણા હાથના અંગૂઠામાં બટકું ભરી લીધું હતું જેથી કરીને ઈજા પામેલ યુવાનને સારવાર માટે લઈ ગયા હતા અને સારવાર લીધા બાદ તેણે મોરબી સીટી એ ડિવિઝન પોલીસ સ્ટેશન ખાતે પોતાની પત્ની સામે ફરિયાદ નોંધાવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરેલ છે.
