ટંકારાની લજાઈ ચોકડીએ બાંધકામના રૂપિયા આપવા માટે બોલાવીને યુવાને ત્રણ શખ્સોએ માર માર્યો
Morbi Today
મોરબીના અણિયારી નજીક કાર ચાલકે બાઇકને હડફેટે લેતા યુવાનને માથા, ખભા, પાંસળી, પગમાં ફેક્ચર
SHARE
JOIN OUR GROUP
મોરબીના અણિયારી નજીક કાર ચાલકે બાઇકને હડફેટે લેતા યુવાનને માથા, ખભા, પાંસળી, પગમાં ફેક્ચર
મોરબી તાલુકાના અણીયારી ગામની સીમથી ખાખરેચી ગામના પાટીયા તરફ જવાના રસ્તા ઉપરથી યુવાન પોતાનું બાઈક લઈને જઇ રહ્યો હતો ત્યારે કાર ચાલકે તેના બાઇકને હડફેટે લીધું હતું જેથી કરીને અકસ્માતનો બનાવ બન્યો હતો અને તેમાં યુવાનને માથા, ખભા, પાંસળી અને ડાબા પગે ફેક્ચર જેવી ઇજા થઈ છે જેથી તેને સારવાર માટે હોસ્પિટલ લઈ ગયા હતા અને ત્યાર બાદ તે યુવાને કાર ચાલક સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે.
બનાવની જાણવા મળતી માહિતી મુજબ મોરબી જિલ્લાના તાલુકામાં આવતા ખાખરેચી ગામે રહેતા નરેશભાઈ પાલજીભાઈ દેગામા જાતે કોળી (૩૧)એ હાલમાં કાર નંબર જીજે ૩૮ બીઇ ૭૫૭૬ ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, અણીયારી ગામથી ખાખરેચીના પાટીયા તરફ જતા રસ્તા ઉપર તેઓ પોતાનો બાઈક નંબર જીજે ૩ એફએસ ૯૫૨૩ લઈને જતા હતા ત્યારે કાર ચાલકે બેફિકરાયથી તેની કાર ચલાવીને હળવદથી માળીયા બાજુ જતા રસ્તા ઉપર ફરિયાદીના બાઇકને હડફેટે લીધું હતુ જેથી કરીને અકસ્માતનો બનાવ બન્યો હતો અને તેમાં ફરિયાદી યુવાનને માથા, ખભા, પાંસળી અને ડાબા પગે ફેક્ચર જેવી ઇજા થઈ છે જેથી તાત્કાલિક સારવાર માટે તેને હોસ્પિટલ લઈ ગયા હતા અને ત્યાં સારવાર લીધા બાદ ઇજાગ્રસ્ત યુવાને કાર ચાલકની સામે ફરિયાદ નોંધાવતા મોરબી તાલુકા પોલીસે કાર ચાલક સામે ગુનો નોંધીને આરોપીને પકડવા માટે તજવીજ શરૂ કરી છે.
