મોરબી નજીક બે યુવાનને કચડી નાખનારા ડમ્પરના ચાલકને પકડવા માટે તજવીજ
Morbi Today
હળવદના વાંકીયા ગામની સીમમાં નદીના પટમાંથી ૧૦.૬૭ લાખના ખનીજની ચોરી: એક્વેસેટર મશીનના માલિક સામે નોંધાયો ગુનો
SHARE
JOIN OUR GROUP
હળવદના વાંકીયા ગામની સીમમાં નદીના પટમાંથી ૧૦.૬૭ લાખના ખનીજની ચોરી: એક્વેસેટર મશીનના માલિક સામે નોંધાયો ગુનો
હળવદ તાલુકાના વાકિયા ગામની સીમમાં ઘોડાધ્રોઇ નદીના પટમાંથી બ્લેક ટ્રેપ ખનીજની ચોરી કરવામાં આવતી હોય અગાઉ ત્યાં રેડ કરીને કાર્યવાહી કરવામાં આવી હતી દરમિયાન હવે ખાણ ખનીજ વિભાગના અધિકારી દ્વારા એકવેસેટર મશીનના માલિક સહિત તપાસમાં જે સામે આવે તે તમામની સામે હળવદ તાલુકા પોલીસ સ્ટેશન ખાતે ૧૦.૬૭ લાખ રૂપિયાના ખનીજની ગેરકાયદેસર ચોરી કરવામાં આવી હોવા અંગેની ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ મોરબી શહેરના સામાકાંઠા વિસ્તારમાં મહારાણા પ્રતાપ સર્કલથી આગળના ભાગમાં આવેલ વૃંદાવન પાર્કમાં શિવ ગંગા એપાર્ટમેન્ટ બ્લોક નંબર ૩૦૧ માં રહેતા અને ખાણ ખનીજ વિભાગમાં ફરજ બજાવતા ગોપાલભાઈ કિશોરભાઈ ચંદારાણા (૨૮)એ હાલમાં મોરબી તાલુકા પોલીસ સ્ટેશન ખાતે જેસીબી કંપનીના એકવેસેટર મશીન નંબર જીજે ૩ ઇએ ૮૨૦૭ ના માલિક વિજયભાઈ લાલજીભાઈ વડસોલા રહે. ટીંબડી તથા તપાસમાં જેના નામ સામે આવે તે તમામની સામે ખનીજ ચોરીની ફરિયાદ નોંધાવેલ છે જેમાં તેણે જણાવ્યું છે કે ગત તા ૧૫/૩/૨૩ ના સાંજના પાંચેક વાગ્યાના અરસામાં હળવદ તાલુકાના વાંકિયા ગામથી ઘોડાધ્રોઇ નદીના પટમાં ખનીજ ચોરી થતી હોવા અંગેની માહિતી મળી હતી જેના આધારે ત્યાં કામગીરી કરવામાં આવી હતી અને સ્થળ ઉપરથી એક્વેસેટર મશીન કબજે કરવામાં આવ્યું હતું અને સ્થળ ઉપરથી જે ખનીજ ચોરી કરવામાં આવી હતી તેની માપણી કરવામાં આવતા નદીના પટમાંથી બ્લેક ટ્રેપ ખનીજની ૩૩૯૦ મેટ્રિક ટન ચોરી કરવામાં આવેલ છે અને પ્રતિ મેટ્રિક્ટરના ૩૧૫ રૂપિયા લેખે ૧૦,૬૭,૮૭૯ ની ખનીજ ચોરી કરવામાં આવી હોય હાલમાં ખાણ ખનીજ વિભાગના અધિકારી દ્વારા હળવદ તાલુકા પોલીસ સ્ટેશન ખાતે ખનીજ ચોરીની ફરિયાદ નોંધાવવામાં આવતા પોલીસે એકવેસેટર મશીન માલિક સામે ગુનો નોંધીને આરોપીને પકડવા માટે તજવીજ શરૂ કરી છે અને આ ખનીજ ચોરીમાં તેની સાથે અન્ય કોણ કોણ સંડોવાયેલા હતા અને અહીંથી ખનીજ ચોરી કરીને તેનો ઉપયોગ ક્યાં કરવામાં આવ્યો છે તે દિશામાં હવે પોલીસ દ્વારા તપાસ શરૂ કરવામાં આવી છે
