મોરબીમાં રેલવે સ્ટેશન નજીક કન્ટેનર યાર્ડ પાસે કન્ટેનર હડફેટે આધેડનું મોત

મોરબીમાં રેલવે સ્ટેશન નજીક આવેલ કન્ટેનર યાર્ડ પાસે કન્ટેનર હડફેટે આધેડનું મોત નિપજયુ હતું જેથી કરીને લોકો રોષે ભરાયા હતા અને વાહનમાં તોડફોડ કરીને કન્ટેનર યાર્ડને બંધ કરવાની માંગ સાથે લાશ સ્વીકારવાનો ઇન્કાર કર્યો હતો ત્યાર બાદ રેલવે પોલીસ અને સ્થાનિક પોલીસે ઘટનાસ્થળે દોડી જઈને મામલો થાળે પડ્યો હતો

મોરબીમાં રેલવે સ્ટેશન નજીક કન્ટેનર યાર્ડ આવેલ છે અને તેની બાજુમાં રોહિદાસપરા આવેલ છે અને રોહિદાસપરાના રહેવાસી મોહનભાઇ મોતીભાઈ પરમાર (૫૦) નામના આધેડ કન્ટેનરની હડફેટે ચાલી ગયા હતા જેથી તેનું સ્થળ ઇપર જ મોત નીપજ્યું હતું. જેથી કરીને લોકો એકત્રિત થઈ ગયા હતા અને રોષે ભરાયેલા લોકોએ દસથી વધુ ટ્રકના કાચ તોડી નાખ્યા હતા અને લોકોએ કન્ટેનર ડેપોનો રોહિદાસપરામાંથી નીકળતો રસ્તો બંધ કરવાની માંગ કરી હતી અને લાશ સ્વીકારવાનો ઇન્કાર કર્યો હતો જો કે, રેલવે પોલીસ અને સ્થાનિક પોલીસે ઘટનાસ્થળે દોડી જઈને સમજાવટથી મામલો થાળે પડ્યો હતો