લો બોલો: મોરબીના લાયન્સનગરમાં સ્ટ્રીટ લાઈટ નાખવાની માંગ

મોરબી જીલ્લામાં વિકાસની વાતો ઘણી કરવામાં આવે છે જો કે, મોરબીના લાયન્સનગરમાં સ્ટ્રીટ લાઈટની સુવિધા નથી જેથી કરીને ત્યાં સ્ટ્રીટ લાઈટ નાખવામાં આવે તેવી માંગ કરવામાં આવી છે અને આ મુદે સામાજિક કાર્યકર દ્વારા પાલિકાના ચીફ ઓફિસરને રજુઆત પણ કરવામાં આવી છે.

મોરબીના લાયન્સનગરમાં રહેતા સામાજિક કાર્યકર અબ્દુલ બુખારીએ હાલમાં ચીફ ઓફિસરને રજુઆત કરી છે જેમાં તેને જણાવ્યુ છે કે, વોર્ડ નં. ૧૧ માં આવેલ લાયન્સનગરમાં જીઈબીની કચેરી સુધી નવો રોડ બનાવેલ છે જો કે, ગોકુળનગરના બોર્ડ સુધી નવી સ્ટ્રીટ લાઈટ નાખવામાં આવી છે. પણ લાયન્સનગર બાજુના રસ્તે જીઇબી કચેરી સુધી એક પણ સ્ટ્રીટ લાઈટ નાખવામાં આવી નથી જેથી કરીને રાત્રે અંધારપટ્ટ હોય છે માટે વહેલી તકે બાકીની સ્ટ્રીટ લાઈટ નાખવામાં આવે તેવી માંગ કરવામાં આવી છે