મોરબી તાલુકા પોલીસે દિવ્યાંગ મહિલાનું પરિવાર સાથે કરાવ્યુ મિલન

મોરબીના જુના નાગડાવાસ ગામેથી દિવ્યાંગ મહિલા મળી આવી હતી જેથી તાલુકાની સી ટીમે તેના પરિવારને શોધવા માટેની કવાયત શરૂ કરી હતી અને તે મહિલાને પુછતા તેણે પોતાનું નામ લાલી હોવાનું કહ્યું હતું અને તેની વધુ પૂછપરછમાં તે અમદાવાદના વટવા વિસ્તારની હોવાનું જાણવા મળ્યું હતું. ત્યારબાદ વટવા પોલીસ સ્ટેશનનો સંપર્ક કરતાં આ મહિલાનું નામ સરીતાબેન ઉર્ફે લાલીબેન જીગરભાઈ ઠાકોર હોવાનું સામે આવ્યું હતું અને જશોદાનગરની રમેશભાઈની ચાલીમાં રહેતા હોવાનું જાણવા મળ્યું હતું. જેથી તેના પરિવારનો  સંપર્ક કરીને મહિલાના માતા અમદાવાદથી મોરબી આવ્યા હતા જેને મહિલાનો પોલીસે કબજો સોપી દીધો હતો