વિચિત્ર ઘટના: મોરબીમાં નિર્મલ જ્યોત પેટ્રોલ પંપ પાસે બે ડમ્પર, બે કાર અને ત્રણ બાઈક વચ્ચે અકસ્માત
SHARE
JOIN OUR GROUP
વિચિત્ર ઘટના: મોરબીમાં નિર્મલ જ્યોત પેટ્રોલ પંપ પાસે બે ડમ્પર, બે કાર અને ત્રણ બાઈક વચ્ચે અકસ્માત
મોરબીના સામાકાંઠા વિસ્તારમાં આવેલ નિર્મલ જ્યોત પેટ્રોલ પંપની સામેના ભાગમાં અકસ્માતનો બનાવ બન્યો હતો જેમાં બે ડમ્પર, બે કાર અને ત્રણ બાઈક આમ કુલ મળીને સાત જેટલા વાહનો એકબીજા સાથે અથડાયા હોવાથી વાહનોમાં નુકસાની થયેલ છે તેની સાથોસાથ વાહન ચાલકો અને વાહનમાં બેઠેલા વ્યક્તિઓને પણ નાના મોટી ઈજાઓ થઈ હોવાથી ઇજાગ્રસ્તોને સારવાર માટે હોસ્પિટલે લઇ જવામાં આવ્યા છે જોકે સ્થાનિક લોકો પાસેથી હાલમાં જાણવા મળતી વિગત પ્રમાણે આ અકસ્માતના બનાવમાં કોઈ જાનહાનિ થયેલ નથી. અને ડમ્પર રેલિંગ તોડીને સર્વિસ રોડ ઉપર આવ્યું હોય તેવું સ્થાનિક લોકો જણાવી રહ્યા છે અને ડમ્પર સાથે ડમ્પર અથડાયા બાદ બે કાર અને ત્રણ બાઈક પણ અથડાવાનો બનાવ બન્યો હોવાનું સ્થાનિક લોકોમાં ચર્ચા રહ્યું છે જોકે આ બનાવ અંગે મોરબી સીટી બી ડિવિઝન પોલીસને હોસ્પિટલ માત્ર મારફતે જાણ કરવામાં આવી છે કે, મુકેશભાઈ નામના વાંકાનેરના રહેવાસી વ્યક્તિને બાઇક લઈને જતા હતા ત્યારે નિર્મલ જ્યોત પેટ્રોલ પંપ પાસે અકસ્માત સર્જાયો હતો તેમાં તેને ઇજા થયેલ છે જો કે, અન્ય ઈજાગ્રસ્તોને અન્ય જગ્યાએ સારવારમાં લઈ ગયા હોવાનું સ્થાનિક લોકોએ જણાવ્યું છે જેથી કરીને પોલીસે આ બનાવની નોંધ કરીને અકસ્માત ગ્રસ્ત વાહનોને રસ્તા ઉપરથી સાઈડમાં ખસેડીને ટ્રાફિકને કાર્યરત કરવા માટેની કાર્યવાહી હાથ ધરી હોવાનું પોલીસ સૂત્રો પાસેથી જાણવા મળ્યું છે
