મોરબી-હળવદમાં દારૂ-બીયરની ચાર રેડ: ત્રણ શખ્સો ઝડપાયા, એકની શોધખોળ
Morbi Today
હળવદની રાણેકપરની ગ્રામ પંચાયતના સભ્યના દીકરાને ઉપસરપંચ સહિત બે શખ્સોએ માર માર્યો
SHARE
JOIN OUR GROUP
હળવદની રાણેકપરની ગ્રામ પંચાયતના સભ્યના દીકરાને ઉપસરપંચ સહિત બે શખ્સોએ માર માર્યો
હળવદ તાલુકાના રાણેકપરની ગ્રામ પંચાયતના સરપંચ સામે અવિશ્વાસની દરખાસ્તનો પ્રસ્તાવ મૂકવામાં આવ્યો હતો અને જેના મતદાનમાં પંચાયતના સભ્ય હાજર ન રહ્યા હોવાથી તેના દીકરાને રસ્તામાં આંતરીને ઉપસરપંચ સહિત બે શખ્સોએ ગાળો આપીને ઝાપટો મારી હતી તથા લોખંડના પાઇપ વડે માર મારીને ઇજા કરી હતી તેમજ યુવાનને જ્ઞાતિ પ્રત્યે હડધૂત કરવામાં આવ્યો હતો જેથી કરીને ભોગ બનેલા યુવાન દ્વારા હાલમાં ઉપસરપંચ સહિત બે શખ્સોની સામે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી પ્રમાણે હળવદ તાલુકાના નવા રાણેકપર ગામે રહેતા વિક્રમભાઈ રણછોડભાઈ રાજપરા (૩૨) એ રાણેકપર ગ્રામ પંચાયતના ઉપસરપંચ નવઘણભાઈ ગણેશભાઈ ઉડેચા જાતે કોળી અને રાજુભાઈ નવઘણભાઈ ઉડેચા જાતે કોળી રહે. બંને રાણેકપર વાળાની સામે ફરિયાદ નોંધાવી છે જેમાં તેણે જણાવ્યું છે કે, તેઓના ગામના સરપંચ મનસુખભાઈ ઠાકોર વિરુદ્ધ પંચાયતના સભ્યો દ્વારા અવિશ્વાસના પ્રસ્તાવ માટે મતદાન કરવામાં આવ્યું હતું ત્યારે ફરિયાદી યુવાનના પિતા રણછોડભાઈ રાજપરા ગ્રામ પંચાયતના સભ્યો હોય મતદાન સમયે હાજર ન હોવાથી તે બાબતનું મનદુઃખ રાખીને ગામના ઉપસરપંચ નવઘણભાઈ ગણેશભાઈ ઉડેચાએ ફોન કરીને તારા બાપને સંતાડેલ છે અને મતદાનમાં હાજર રહેવા દીધેલ નથી તેમ કહીને જેમ ફાવે તેમ ફરિયાદીને ગાળો આપી હતી અને જ્ઞાતિ પ્રત્યે હડધૂત કરવામાં આવ્યો હતો અને ગામમાં કેવી રીતે રહો છો હું જોઈ લઈશ તેવી ધમકી ઉપસરપંચે આપી હતી જેનું ફરિયાદી યુવાન પાસે મોબાઇલ રેકોર્ડિંગ પણ છે અને ત્યારબાદ તે યુવાન રાણેકપર રોડ ઉપર આવેલ કેનાલના નાલા પાસેથી પસાર થતો હતો ત્યારે નવઘણભાઈ અને રાજુભાઈએ તેને ઉભો રાખીને જેમ ફાવે તેમ ગાળો આપી હતી અને કાંઠલો પકડીને નવઘણભાઈએ બે ઝાપટો મારી હતી અને રાજુભાઈએ લોખંડના પાઇપ વડે માર માર્યો હતો અને ગામ બહાર કાઢવાની ધમકી આપી હતી જોકે ત્યારે ગામના બે વ્યક્તિઓ ત્યાં આવી જતા તે લોકોને ઝઘડો કરતા અટકાવ્યા હતા અને યુવાન તેના ઘરે જતો રહ્યો હતો. જોકે ત્યારબાદ નવઘણભાઈએ ફોન કરીને સમાધાન કરવા માટે બોલાચાલી કરી હતી અને ધમકી આપી હતી જેથી હાલમાં યુવાને નોંધ આવેલ ફરિયાદ આધારે પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે
