મોરબીના રવાપર ગામે ગાળો બોલવાની ના કહેતા યુવાન અને તેની પત્નીને માર મારનાર ચારની ધરપકડ

મોરબીના રવાપર ગામે ઘર પાસે ગાળો બોલતા શખ્સને ગાળો બોલવાની ના પાડતા તે ઉસકેરાઈ ગયો હતો અને તેને કુહાડીનો બુંધરાવટીનો ભાગ યુવાન અને તેની પત્નીને માર્યો હતો જેથી ઇજા પામેલ યુવાને સારવાર લીધા બાદ મોરબી સીટી એ ડિવિઝન પોલીસ સ્ટેશન ખાતે મહિલા સહિત કૂલ ચાર સામે ફરિયાદ નોંધાવી હતી જેના આધારે પોલીસે આરોપીની ધરપકડ કરીને આગળની કાર્યવાહી હાથ ધરી છે

મોરબી નજીકના રવાપર ગામે રહેતા દિનેશભાઈ ગોવિંદભાઈ સાગઠીયા (૪૫)એ રાહુલ મેઘજીભાઈ ચાવડા, અનિલ મેઘજીભાઈ ચાવડા, નાજાભાઇ જીવાભાઈ ચાવડા અને હંસાબેન મેઘજીભાઈ ચાવડા રહે. બધા રવાપર વાળાની સામે ફરિયાદ નોંધાવી હતી કે, રાહુલ મેઘજીભાઈ ચાવડા તેઓના ઘર પાસે ગાળો બોલતો હોય તેને ગાળો બોલવાની ના પાડતા તે ઉશ્કેરાઈ ગયો હતો અને તેણે ફરિયાદી દિનેશભાઈને જમણા પગમાં કુહાડીનો બુંધરાવટીનો ભાગ મારીને પગમાં ઈજા કરી હતી તથા તેના પત્નીને ડાબા પગમાં કુહાડીનો બુંધરાવટીનો ભાગ મારીને ઈજા કરી હતી તેમજ અનિલભાઈ ચાવડાએ ઢિકાપાટુનો માર માર્યો હતો અને નાજાભાઇ ચાવડાએ મારી નાખવાની ધમકી આપી હતી તો હંસાબેન ચાવડાએ ગાળો આપીને ઝઘડો કર્યો હતો જેથી દિનેશભાઈ સાગઠીયાએ નોંધાવેલ ફરિયાદ આધારે પોલીસે ગુનો નોંધીને આરોપીઓને પકડવા માટે તજવીજ શરૂ કરી હતી અને આ ગુનામાં પોલીસે આરોપી રાહુલ મેઘજીભાઈ ચાવડા (૨૮), અનિલ મેઘજીભાઈ ચાવડા (૩૨), નાજાભાઇ જીવાભાઈ ચાવડા (૪૫) અને હંસાબેન મેઘજીભાઈ ચાવડા (૪૫) રહે. બધા રવાપર વાળાની ધરપકડ કરેલ છે