મોરબીના પીપળી રોડે હરિગુણ રેસીડેન્સીમાં પગ લપસતા પાંચમા માળેથી નીચે પટકાયેલ સગીરનું સારવારમાં મોત
SHARE
JOIN OUR GROUP
મોરબીના પીપળી રોડે હરિગુણ રેસીડેન્સીમાં પગ લપસતા પાંચમા માળેથી નીચે પટકાયેલ સગીરનું સારવારમાં મોત
મોરબીના પીપળી રોડ ઉપર આવેલ હરિગુણ સોસાયટીમાં હરિગુણ રેસીડેન્સીમાં કામગીરી દરમિયાન પિતાની સાથે ગયેલ સગીર બાળકનો પગ લપસતા તે પાંચમા માળેથી નીચે પટકાયો હતો જેથી તેને શરીરે ઇજા થઈ હોવાથી પ્રથમ સારવાર માટે મોરબી અને ત્યાંથી વધુ સારવાર માટે રાજકોટ સરકારી હોસ્પિટલ ખાતે લઈ ગયા હતા જ્યાં તેનું સારવાર દરમિયાન મોત નીપજયું હતું જેથી કરીને અકસ્માત મૃત્યુના આ બનાવની મોરબી સીટી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે
બનાવની જાણવા મળતી વિગત પ્રમાણે મોરબીના પીપળી રોડ ઉપર આવેલ હરિગુણ સોસાયટીમાં હરિગુણ રેસીડેન્સીમાં મૂળ દાહોદના પીપલીયા ગામના રહેવાસી રમણભાઈ હિંમતભાઈ બારીયા (ઉંમર ૩૭) કામગીરી કરી રહ્યા હતા ત્યારે તે પોતાના દીકરા દશરથ (ઉંમર ૧૬) ને ત્યાં સાથે લઈ ગયા હતા અને દરમિયાન રમણભાઈનો દીકરો દશરથ પાંચમા માળે આંટા મારતો હતો ત્યારે બાલ્કની પાસે પગ લપસતા તે પાંચમાં માળેથી નીચે પટકાયો હતો જેથી તેને પડખા, વાંસા, પગ અને શરીરે ગંભીર ઈજા થઈ હોવાથી તેને સારવાર માટે પ્રથમ મોરબીની ખાનગી હોસ્પિટલમાં લઈ ગયા હતા અને ત્યાંથી વધુ સારવાર માટે તે બાળકને રાજકોટની સરકારી હોસ્પિટલ ખાતે લઈ જવામાં આવ્યો હતો. પરંતુ સારવાર કારગત નહીં નિવડતાં તેનું મોત નીપજ્યું હતું અને આ બનાવની મૃતકના પિતા રમણભાઈ બારીયાએ મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
