મોરબીમાં ચેકિંગ દરમ્યાન ૩૮ સ્થળેથી ૧૦ લાખથી વધુની વીજ ચોરી પકડાઇ

મોરબી પંથકમાં પીજીવીસીએલની જુદીજુદી ટીમો દ્વારા ચેકિંગ કરવામાં આવ્યું હતું ત્યારે કુલ ૩૮ સ્થળેથી ૧૦ લાખથી વધુની વીજ ચોરી પકડાયેલ છે અને મોરબી પાલિકાએ સીટી બસનો કોન્ટ્રાકટર જેને આપેલ છે તેના  દ્વારા ગાંધીચોકમાં વીજપોલ ઉપરથી ડાયરેકટ કનેક્શન લઈને વીજ ચોરી કરવામાં આવી રહી હતી જેથી કરીને તેને દોઢ લાખનો દંડ કર્યો છે. 

મોરબી પીજીવીએએલની જુદીજુદી ટીમો દ્વારા મોરબીમાં વીસીપરા, કાલિકા પ્લોટ, જોન્સનગર સાહિતના વિસ્તાર તેમજ ઘુંટુ રોડ ઉપર ગ્રામ્ય વિસ્તારમાં વીજ ચેકીંગ કરવામાં આવ્યું હતું ત્યારે કુલ મળીને ૩૮ કનેક્શનમાં ચોરી સામે આવી હતી જેથી કરીને ૧૦ લાખથી વધુની વીજ ચોરી પકડવામાં આવી છે અને ખાસ કરીને મોરબી પાલિકાએ સીટી બસનો કોન્ટ્રાકટર જેને આપેલ છે તે પાર્ટી દ્વારા ગાંધીચોકના પાર્કિંગમાં કોઈપણ પ્રકારનું મીટર લીધા વગર કન્ટેનરમા ઓફીસ શરૂ કરવામાં આવી હતી અને વીજપોલ ઉપરથી સુધી જ કનેક્શન લઈ લેવામાં આવ્યું હતું જેથી કરીને વીજ ચોરી કરવામાં આવી રહી હોવાથી સીટી બસના કોન્ટ્રાક્ટરને દોઢ લાખથી વધુનો દંડ પીજીવીએએલના અધિકારી કર્યો છે.