તસ્કરનો તરખાટ: મોરબીના કમલાપાર્કમાં રહેણાંક મકાનમાંથી રોકડ-દાગીના મળી 1.87 લાખના મુદ્દામાલની ચોરી
Morbi Today
મોરબીના રવાપર રોડ ઉપર આવેલ નીલકંઠ સ્કૂલમાં વિદ્યાર્થીને માર મારનાર શિક્ષક સામે ગુનો નોંધાયો
SHARE
JOIN OUR GROUP
મોરબીના રવાપર રોડ ઉપર આવેલ નીલકંઠ સ્કૂલમાં વિદ્યાર્થીને માર મારનારા શિક્ષક સામે ગુનો નોંધાયો
મોરબીના રવાપર રોડ ઉપર આવેલ નીલકંઠ સ્કૂલમાં અભ્યાસ કરતા ધોરણ 12 ના વિદ્યાર્થીને બેન્ચ બદલાવાની બાબતે તેના શિક્ષક દ્વારા માર મારવામાં આવ્યો હતો જેથી કરીને તેને માથામાં પાછળના ભાગે મુંઢ ઇજા થઇ હોવાથી મોરબીની સિવિલ હોસ્પિટલ ખાતે સારવારમાં દાખલ કરવામાં આવ્યો હતો અને ત્યારબાદ વિદ્યાર્થીના પિતાએ મોરબી સીટી એ ડિવિઝન પોલીસ સ્ટેશન ખાતે શાળાના શિક્ષક સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
બનાવની જાણવા મળતી વિગત પ્રમાણે મોરબીમાં ગ્રીન ચોક પાસે આવેલ નાની બજારમાં રહેતા હુસેનભાઇ અબ્બાસભાઈ વેગડી જાતે દાઉદી વોરા (ઉંમર વર્ષ 44) એ મોરબીના રવાપર રોડ ઉપર આવેલ નીલકંઠ સ્કૂલમાં શિક્ષક તરીકે નોકરી કરતા ગૌતમભાઈ સામે ફરિયાદ નોંધાવી છે જેમાં તેને જણાવ્યું છે કે તેઓનો દીકરો ઈબ્રાહીમ વેગડી (ઉંમર વર્ષ 17) નીલકંઠ સ્કૂલમાં ધોરણ 12 કોમર્સમાં અભ્યાસ કરે છે અને તે ક્લાસરૂમમાં બેઠો હતો ત્યારે બેંચ બદલાવાની બાબતે તેના શિક્ષકે તેને ઠપકો આપીને ગાલ ઉપર લાફા માર્યા હતા તેમજ માથાના પાછળના ભાગે ધોલ ધપાટ કરી હતી જેથી કરીને તેને માથામાં મુંઢ ઇજા થઈ હોવાથી મોરબીની સિવિલ હોસ્પિટલ ખાતે સારવારમાં ખસેડવામાં આવ્યો હતો અને હાલમાં વિદ્યાર્થીના પિતાએ નોંધાવેલ ફરિયાદ આધારે પોલીસે આઈપીસી કલમ 323 તથા ધ જુવેનાઇલ જસ્ટિસ (કેર એન્ડ પ્રોટેક્શન ઓફ ચિલ્ડ્રન) એક્ટ 2015 ની કલમ 75 મુજબ ગુનો નોંધીને આગળની કાર્યવાહી હાથ ધરેલ છે.
