મોરબીના જડેશ્વર રોડ ઉપર અજાણ્યા વાહન ચાલકે હડફેટે લેતા ઇજા પામેલા વૃદ્ધનું સારવારમાં મોત
Morbi Today
તસ્કરનો તરખાટ: મોરબીના કમલાપાર્કમાં રહેણાંક મકાનમાંથી રોકડ-દાગીના મળી 1.87 લાખના મુદ્દામાલની ચોરી
SHARE
JOIN OUR GROUP
તસ્કરનો તરખાટ: મોરબીના કમલા પાર્કમાં રહેણાંક મકાનમાંથી રોકડ-દાગીના મળી 1.87 લાખના મુદ્દામાલની ચોરી
મોરબી શહેરના સામાકાંઠા વિસ્તારમાં ઋષિકેશ વિદ્યાલયની બાજુમાં આવેલ કમલા પાર્કના રહેણાંક મકાનને તસ્કરે નિશાન બનાવ્યું હતું અને ઘર બંધ હતું ત્યારે ઘરના દરવાજાનો સેન્ટર લોક તોડીને અંદર પ્રવેશેલા તસ્કરે સોનાના દાગીના તથા રોકડ રકમ મળીને 1,87,500 ના મુદ્દામાલની ચોરી કરેલ છે જેથી કરીને ભોગ બનેલા વૃદ્ધે હાલમાં મોરબી બી ડિવિઝન પોલીસ સ્ટેશન ખાતે ચોરીની ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
બનાવવાની જાણવા મળતી વિગત મુજબ મૂળ હળવદ તાલુકાના જુના દેવડીયા ગામના રહેવાસી અને હાલમાં મોરબી શહેરના સામાકાંઠે વિસ્તારમાં ઋષિકેશ વિદ્યાલયની બાજુમાં આવેલ કમલા પાર્કમાં રહેતા રજનીકાંત ત્રિભુવનભાઈ ભોરણીયા જાતે પટેલ (36) એ મોરબી સીટી બી ડિવિઝન પોલીસ સ્ટેશન ખાતે અજાણ્યા શખ્સની સામે ચોરીની ફરિયાદ નોંધાવેલ છે જેમાં તેણે જણાવ્યું છે કે તેઓનો દીકરો નાલંદા સ્કૂલમાં અભ્યાસ કરતો હોય ત્યાં વાર્ષિક કાર્યક્રમ હોવાથી તે પોતાના પરિવાર સાથે નાલંદા સ્કૂલે ગયા હતા અને ત્યારે તેનું ઘર બંધ હતું દરમિયાન કોઈ અજાણ્યા શખ્સ દ્વારા તેમના રહેણાંક મકાનના દરવાજાનો સેન્ટર લોક તોડીને ઘરમાં પ્રવેશ કરવામાં આવ્યો હતો અને ત્યારબાદ કબાટના ડ્રોવરમાં રાખેલ અઢી તોલાનું સોનાનું મંગળસૂત્ર, દોઢ તોલાનું સોનાનું બ્રેસલેટ, અઢી તોલાની પાંચ સોનાની વીંટી આમ કુલ મળીને સાડા છ તોલા સોનાના દાગીના જેની કિંમત 1,62,500 તથા રોકડા 25,000 આમ કુલ મળીને 1,87,500 ના મુદ્દામાલની અજાણ્યા શખ્સ દ્વારા ચોરી કરવામાં આવેલ છે જેથી કરીને ભોગ બનેલા યુવાન દ્વારા મોરબી સીટી બી ડિવિઝન પોલીસ સ્ટેશન ખાતે ચોરીની ફરિયાદ નોંધવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
બાઇક ચોરી
હળવદ માળીયા હાઇવે ઉપર આવેલ રણજીતગઢ ગામની સીમમાં હરિકૃષ્ણ ધામ મંદિર પાસે મયુરનગર ખાતે રહેતા બાબુભાઈ પોપટભાઈ કણઝારીયા જાતે સતવારા (ઉંમર વર્ષ 52) એ પોતાનું બાઈક નં. જીજે 13 કે.કે. 3531 પાર્ક કરીને મૂક્યું હતું જે 30 હજાર રૂપિયાની કિંમતનું બાઈક કોઈ અજાણ્યો શખ્સ ચોરી કરી ગયેલ છે જેથી કરીને બાબુભાઈ કણઝારિયાએ નોંધાવેલ ફરિયાદ આધારે પોલીસે અજાણ્યા શખ્સ સામે ચોરીનો ગુનો નોંધીને તેને પકડવા માટે તજવીજ શરૂ કરેલ છે.
