મોરબીના રફાળેશ્વર ગામે ચક્કર આવતા ગટરમાં પડી જવાથી યુવાનનું મોત
SHARE
JOIN OUR GROUP
મોરબીના રફાળેશ્વર ગામે ચક્કર આવતા ગટરમાં પડી જવાથી યુવાનનું મોત
મોરબી નજીકના રફાળેશ્વર ગામ પાસે આવેલ શ્યામ હોટલ નજીકથી પસાર થતા સમયે ચક્કર આવતા રોડ સાઇડમાં આવેલ ગટરમાં પડી જવાથી યુવાનનું મોત નીપજ્યું હતું જેથી કરીને તેના મૃતદેહને પીએમ માટે મોરબીની સિવિલ હોસ્પિટલ ખાતે લઈને આવ્યા હતા અને અકસ્માત મૃત્યુના બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી
બનાવની જાણવા મળતી માહિતી પ્રમાણે મૂળ એમપીના રહેવાસી અને હાલમાં રફાળેશ્વર ગામની બાજુમાં શ્યામ હોટલની પાસે આરકો કવર્ટ્ઝ સિંક નામના કારખાનામાં મજુર કોલોનીમાં રહેતા અને ત્યાં મજૂરી કામ કરતા કમલ ભુવનસિંગ અખાડે જાતે ભીલ (૨૫) પોતાના દોઢ વર્ષના દીકરા કાર્તિકને લઈને કારખાના પાસે આવેલ દુકાને માવો લેવા માટે જતા હતા ત્યારે શ્યામ હોટલ પાસે પાણી ભરેલી ગટર ક્રોસ કરતાં સમયે તેને ચક્કર આવતા તે ગટરના પાણીમાં પડી ગયા હતા અને ગટરના પાણીમાં ડૂબી જવાના કારણે કમલ અખાડેનું મોત નીપજ્યું હતું ત્યારબાદ તેના મૃતદેહને પીએમ માટે મોરબીની સિવિલ હોસ્પિટલ ખાતે ખસેડવામાં આવ્યો હતો અને અકસ્માતના આ બનાવની મૃતક યુવાનના પત્ની બસંતીબેન અખાડેએ મોરબી તાલુકા પોલીસને જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી
