ટંકારા મોરબી રોડે સમય કારખાના પાસે અજાણ્યા વાહને હડફેટે લેતા ઇજા પામેલા યુવાનનું મોત
Morbi Today
વાંકાનેરના મેસરીયામાં રસ્તા વચ્ચેથી લાકડાનો ઢગલો હટાવવાનું કહેતા યુવાન ઉપર ધોકા વડે હુમલો
SHARE
JOIN OUR GROUP
વાંકાનેરના મેસરીયામાં રસ્તા વચ્ચેથી લાકડાનો ઢગલો હટાવવાનું કહેતા યુવાન ઉપર ધોકા વડે હુમલો
વાંકાનેર તાલુકાના મેસરીયા ગામે રસ્તા વચ્ચે લાકડાનો ઢગલો કરનારા શખ્સને લાકડા હટાવવા માટે કહ્યું હતું જે તેને સારું નહીં લાગતા તેને લાકડાના ધોકા વડે યુવાન ઉપર હુમલો કર્યો હતો અને તેને લાકડાના ધોકા વડે પગમાં માર મારતા ફ્રેક્ચર જેવી ઈજા થઈ હતી જેથી ઇજા પામેલા યુવાને સારવાર લીધા બાદ વાંકાનેર તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
જાણવા મળતી વિગત પ્રમાણે ચોટીલા તાલુકાના નાળિયેરી ગામે રહેતા મુકેશભાઈ કેશાભાઈ મેર જાતે કોળી (ઉંમર ૨૪) તેના મિત્ર સંજય ઉર્ફે દલ્લો સાથે મોટરસાયકલ ઉપર વાંકાનેર તાલુકાના મેસરીયા ગામની સીમમાં વડથાળા તળાવના રસ્તેથી પસાર થઈ રહ્યા હતા ત્યારે ત્યાં રસ્તા વચ્ચે મેસરિયા ગામે રહેતા કનાભાઇ મોહનભાઈ મકવાણાએ લાકડાનો ઢગલો કર્યો હતો અને ત્યાં તે ઉભા હતા દરમિયાન ત્યાંથી બાઈક લઈને નીકળેલા ફરિયાદી અને સંજયભાઈએ લાકડાને રસ્તા વચ્ચેથી હટાવવા માટે થઈને કહ્યું હતું જે કનાભાઇને સારું નહીં લાગતા તેણે ગાળો આપી હતી અને ત્યારબાદ લાકડાના ઢગલામાંથી લાકડાનો ધોકો લઈને ફરિયાદી મુકેશભાઈને પગમાં લાકડાનો ધોકો ફટકાર્યો હતો જેથી તેને ફ્રેક્ચર જેવી ઇજા થતાં તેને સારવાર માટે હોસ્પિટલે ખસેડવામાં આવ્યો હતો અને ત્યારબાદ સારવાર લઈને મુકેશભાઈ મેર દ્વારા કનાભાઇ મકવાણા સામે વાંકાનેર તાલુકા પોલીસ સ્ટેશન ખાતે ફરિયાદ નોંધવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
