વાંકાનેરના કોઠારીયા પાસે ઓવરટેક કરવા જતાં ઇકો કારના ચાલકે બાઇકને હડફેટે લેતા ઇજા પામેલા યુવાનનું મોત
SHARE
JOIN OUR GROUP
વાંકાનેરના કોઠારીયા પાસે ઓવરટેક કરવા જતાં ઇકો કારના ચાલકે બાઇકને હડફેટે લેતા ઇજા પામેલા યુવાનનું મોત
વાંકાનેર તાલુકાના કોઠારીયા ગામ પાસેથી પસાર થતા બાઈકનો ઓવરટેક કરવા જતા ઈકો કારના ચાલકે બાઇકને પાછળથી ઠોકર મારી હતી જેથી બાઈક સવાર યુવાનને અકસ્માતના આ બનાવવામાં માથામાં ગંભીર થયો હોવાથી રાજકોટ સારવારમાં ખસેડવામાં આવ્યો હતો અને સારવાર દરમિયાન તેનું મોત નિપજ્યું હતું હાલમાં મૃતક યુવાનના ભાઈએ અકસ્માત સર્જીને ઘટના સ્થળેથી ઇકો ગાડી લઈને નાસી છૂટેલા વાહન ચાલક સામે વાંકાનેર તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
બનાવવાની જાણવા મળતી માહિતી પ્રમાણે વાંકાનેર તાલુકાના કોઠારીયા ગામે રહેતા રમેશભાઈ સવજીભાઈ સારલા જાતે કોળી (ઉમર ૫૦) એ હાલમાં કોઠારીયા ગામે રહેતા ભાવેશભાઈ રમેશભાઈ કોળીની સામે ફરિયાદ નોંધાવેલ છે જેમાં તેમણે જણાવ્યું છે કે ગત તા. ૩૦/૯ ના સાંજના સાડા સાત થી આઠ વાગ્યાના અરસામાં તેનો ભાઈ ભીમજીભાઈ સવજીભાઈ સારલા (ઉંમર ૪૫) તેનું બાઇક નંબર જીજે ૩૬ એઇ ૦૭૭૮ લઈને કોઠારીયા ગામ પાસેથી પસાર થઈ રહ્યો હતો ત્યારે તેના બાઈકનો ઓવરટેક કરવા જતાં ઇકો કાર નંબર જીજે ૩૬ એસી ૬૦૯૧ ના ચાલક ભાવેશભાઈ રમેશભાઈ કોળીએ બાઈકને પાછળથી ઠોકર મારી હતી જેથી અકસ્માતનો બનાવ બન્યો હતો અને તેમાં ભીમજીભાઈ સવજીભાઈ સારલાને માથાના ભાગે ગંભીર ઇજા થયેલ હોવાથી તેને તાત્કાલિક સારવાર માટે રાજકોટની ખાનગી હોસ્પિટલમાં ખસેડવામાં આવ્યા હતા અને સારવાર કારગત ન નિવડતા તેનું મોત નીપજ્યું હતું આ બનાવવામાં મૃતકના ભાઈ રમેશભાઈ સારલાએ ફરિયાદ નોંધાવતા પોલીસે ગુનો નોંધીને અકસ્માત સર્જીને ઘટના સ્થળેથી જે તે સમયે નાસી છૂટેલા ઇકો કારના ચાલકને પકડવા માટે તજવીજ શરૂ કરી છે
