મોરબી જલારામ મંદિર દ્વારા આશાપુરાના પદયાત્રિકો માટે સેવા કેમ્પ યોજાશે
Morbi Today
મોરબીના ઘુટુ અને હળવદના સમલી ગામે દારૂની બે રેડ: જેતપર ગામે જુગાર રમતા પાંચ પકડાયા
SHARE
JOIN OUR GROUP
મોરબીના ઘુટુ અને હળવદના સમલી ગામે દારૂની બે રેડ: જેતપર ગામે જુગાર રમતા પાંચ પકડાયા
મોરબી તાલુકાના ઘુટુ ગામ પાસે અને હળવદ તાલુકાના સમલી ગામ પાસે સ્થાનિક પોલીસ દ્વારા દારૂની જુદી જુદી બે રેડ કરવામાં આવી હતી ત્યારે કુલ મળીને દારૂની નાની મોટી ૪૯ બોટલ સાથે પોલીસે બે શખ્સને પકડેલા છે અને એક શખ્સની સામે ગુનો નોંધીને તેને પકડવા માટે પોલીસ દ્વારા તજવીજ શરૂ કરવામાં આવી છે
હળવદ તાલુકાના સમલી ગામની સીમમાંથી પસાર થતી કાર નંબર જીજે ૩૬ એસી ૯૫૨૧ ને રોકીને પોલીસે ચેક કરતા તે કારમાંથી દારૂની ૨૭ બોટલ મળી આવી હતી જેથી કરીને પોલીસે ૧૦૧૨૫ ની કિંમતની દારૂની બોટલો તેમજ બે લાખ રૂપિયાની કિંમતની કાર કામ કુલ મળીને ૨૧૦૧૨૫ નો મુદ્દા માલ કબજે કરેલ છે અને કારચાલક તકનો લાભ લઈને કાર છોડીને નાશી ગયો હતો જેથી પોલીસે પ્રતાપભાઈ જીલુભાઈ સોલંકી જાતે રજપૂત રહે. સુંદરી ભવાની વાળાની સામે હળવદ તાલુકા પોલીસ સ્ટેશન ખાતે ગુનો નોંધીને તેને પકડવા માટે પોલીસે તજવીજ શરૂ કરી છે
મોરબી તાલુકાના ઘુટુ ગામ પાસે આવેલ રામકો વિલેજ નજીક બાવળની જાળીમાં સ્થાનિક પોલીસ દ્વારા દારૂની રેડ કરવામાં આવી હતી ત્યારે ત્યાંથી દારૂની નાની ૨૨ બોટલ મળી આવી હોય પોલીસે ૨૨૦૦ ની કિંમતનો દારૂનો જથ્થો કબજે કર્યો હતો અને આ દારૂનો જથ્થો હાર્દિકભાઈ ગણપતભાઈ લાંઘણોજા (૩૧) રહે. હરિઓમ પાર્ક ઘુટુ તેમજ પીરાભાઈ જોધાભાઈ ભરવાડ (૩૪) રહે. રામકો વિલેજ સોસાયટી વાળાનો હોવાનું સામે આવતા પોલીસે તેની સામે ગુનો નોંધીને તેને પકડીને આગળની કાર્યવાહી હાથ ધરી હતી
જેતપર જુગાર
મોરબી તાલુકાના જેતપર ગામે વણકરવાસમાં જુગારની રેડ કરવામાં આવી હતી ત્યારે સ્થળ ઉપર જુગાર રમતા દાનાભાઈ પ્રેમજીભાઈ પરમાર, લાભુભાઈ કારાભાઈ પરમાર, નારણભાઈ બાબુભાઈ પરમાર, દીપકભાઈ કાંતિભાઈ ધામેચા અને નાગજીભાઈ ખીમજીભાઇ પરમાર મળી આવ્યા હતા જેથી પોલીસે તેની પાસેથી ૧૬૩૮૦ ની રોકડ કબજે કરી તેની સામે મોરબી તાલુકા પોલીસ સ્ટેશન ખાતે જુગાર ધારા હેઠળ ગુનો નોંધીને રાબેતા મુજબની કાર્યવાહી હાથ ધરી હતી
