ટંકારાના હડમતીયા ગામે વાડીએ શોર્ટ લગતા યુવાનનું મોત
જીગ્નેશ ભટ્ટ દ્વારા મોરબી તા ૩૦
ટંકારા તાલુકાના હડમતીયા ગામની સીમમાં વાડીએ યુવાન કામગીરી કરી રહ્યો હતો ત્યારે વીજ પોલમાંથી તેને શોર્ટ લાગ્યો હોવાના કારણે ૧૦૮ મારફતે તાત્કાલિક સારવાર માટે લઈ જવામાં આવ્યો હતો જો કે ફરજ પરના ડોક્ટરે તેને મૃત જાહેર કર્યો હતો જેથી કરીને આ બનાવની ટંકારા તાલુકા પોલીસને જાણ કરવામાં આવી હતી અને પોલીસે બનાવવી નોંધ કરી આગળની કાર્યવાહી હાથ ધરેલ છે

જાણવા મળતી માહિતી મુજબ ટંકારા તાલુકાના હડમતીયા ગામની સીમમાં ધનજીભાઈ પટેલની વાડીએ રહેતો અને ત્યાં કામગીરી કરતો અજયભાઈ મુકેશભાઈ મકવાણા નામનો ૨૨ વર્ષીય યુવાન ધનજીભાઈ પટેલની વાડીએ કામ કરતા વીજ પોલ પાસે હતો ત્યારે વીજ પોલમાંથી તેને શોર્ટ લાગ્યો હતો જેથી કરીને ૧૦૮ ને બોલાવીને તાત્કાલિક તને સારવાર માટે લઈને ગયા હતા જોકે ફરજ પરના ડોક્ટરે તેને મૃત જાહેર કરતા આ બનાવની ટંકારા તાલુકા પોલીસે જાણ કરવામાં આવી હતી અને પોલીસે અકસ્માત મૃત્યુના બનાવની નોંધ કરીને રાબેતા મુજબની કાર્યવાહી હાથ ધરેલ છે

જુગાર

માળીયા મીયાણાના માતમ ચોક પાસે ખંઢેર મકાન નજીક જાહેરમાં વરલી જુગારના આંકડા લેવામાં આવતા હોવાની બાતમી મળી હતી જેના આધારે પોલીસે ત્યાંથી ૪૫૦ રૂપિયાની રોકડ સાથે વરલી જુગારના આંકડા લેતા અલ્યાસભાઈ હુસેનભાઇ ખોડ જાતે મિયાણા (ઉંમર ૨૩) રહે. માળીયા મીયાણા માતમ ચોક વાળાની ધરપકડ કરેલ છે