મોરબી એલસીબીની ઢુવા પાસે જુગારની રેડ: ૧૨ જુગારી ૩.૧૭ લાખના મુદામાલ સાથે પકડાયા

મોરબી જીલ્લામાં શ્રાવણ મહિના પહેલા જ શ્રવણિયો જુગાર શરૂ થઈ ગયો છે ત્યારે પોલીસ દ્વારા જુદીજુદી જગ્યાએ રેડ કરવામાં આવી રહી છે અને મોરબી એલસીબીની ટીમે વાંકાનેરના ઢુવા ગામે વાડીમાં જુગારની રેડ કરી હતી ત્યારે ઓરડીમાં જુગાર રમતા ૧૨ જુગારી રોકડા સહિત કુલ મળીને ૩.૧૭ લાખના મુદામાલ સાથે પકડાયા હતા.

મોરબી જિલ્લા એલસીબી પીઆઇ એમ.આર.ગોઢાણીયાની સુચના મુજબ સ્ટાફ કામ કરે છે ત્યારે એલ.સી.બી. ના રેશચંદ્ર હુંબલ, પૃથ્વીરાજસિંહ જાડેજા તથા વિક્રમભાઇ ફુગસીયાને મળેલી બાતમીને આધારે વાંકાનેરના ઢુવા ગામે સ્મશાન સામેના ભાગે મોરીયુ તરીકે ઓળખાતી વાડીની ઓરડીમાં જુગારની રેડ કરી હતી ત્યારે રવિરાજસિંહ પ્રતાપસિંહ સિંધવ, માધવસિંહ ગગજીભાઇ રાઠોડ, ગીરીશભાઇ મેઘરાજભાઇ મોહીનાણી, ધીરૂભાઇ ભલાભાઇ રોજાસરા, મેહુલસિંહ પ્રતાપસિંહ રાઠોડ, મયુરભાઇ પરસોતમભાઇ ભાડજા, કુલદિપભાઇ અજીતભાઇ પરમાર, કિશનભાઇ વશરામભાઇ ચનીયારા, જાવેદભાઇ ગુલામભાઇ સિપાઇ, કુતબેઆલમ રસુલભાઇ સિપાઇ, પૃથ્વીરાજભાઇ નીતીશભાઇ ચૌહાણ અને રાજદાનભા લાલુદાન ગુઢડા, રહે. બધા ઢુવા વાળા જુગાર રમતા મળી આવ્યા હતા જેથી પોલીસે રોકડા ૨,૦૭,૦૦૦ તથા ૪ બાઇક મળીને ૩,૧૭,૦૦૦ નો મુદામાલ કબજે કર્યો હતો