મોરબીના શનાળા રોડ ઉપરથી રૂપિયા ૨૦ હજારની કિંમતના બાઇકની ચોરી : ફરિયાદ નોંધાય
Morbi Today
મોરબીના પ્રેમજીનગરના યુવાનને જાતિપ્રત્યે હડધુત કરીને મારી નાંખવાની ધમકી આપનાર પકડાયો
SHARE
JOIN OUR GROUP
મોરબીના પ્રેમજીનગરના યુવાનને જાતિપ્રત્યે હડધુત કરીને મારી નાંખવાની ધમકી આપનાર પકડાયો
મોરબીના પ્રેમજીનગર ગામે ભીમરાવનગરના સ્મશાનની જગ્યા બાબતે અગાઉ થયેલી બોલચાલીનો ખાર રાખીને ભીમરાવનગર જવાના રસ્તે યુવાનને જાતિપ્રત્યે હડધુત કરીને માથામાં કડુ મારીને ઇજા કરવામાં આવી હતી અને જાનથી મારી નાંખવાની ધમકી આપવામાં આવી હતી જે અંગે ભોગ બનેલ યુવાને નોંધાવેલી ફરિયાદમાં પોલીસ એટ્રોસીટી સહિતની કલમ હેઠળ હુમલો કરનાર ઇસમની ધરપકડ કરેલ છે.
જાણવા મળતી માહિતી મુજબ મોરબીના મકનસર ગામે આવેલ ભીમરાવનગરમાં રહેતા કાનજીભાઇ ઉર્ફે કનુભાઇ મોહનભાઇ ચાવડા (૪૩) એ રાજાભાઇ રતાભાઇ ગમારા રહે.પ્રેમજીનગર(મોરબી) ની સામે ફરિયાદ નોંધાવતા જણાવ્યુ હતુ કે, આરોપીના ભાઇ રામભાઇ રતાભાઇ ગમારા સાથે ભીમરાવનગરના સ્મશાનની જગ્યા બાબતે છ મહીના પહેલા બોલાચાલી થયેલ જેનો ખાર રાખીને આરોપીએ ફરીયાદીને જાહેર જગ્યામાં લોકોની હાજરીમાં જાતિપ્રત્યે હડધુત કરીને માથામાં કડુ મારીને ઇજા કરી હતી અને જાનથી મારી નાખવાની ધમકી આપી હતી જેથી કરીને ભોગ બનેલા યુવાને મોરબી તાલુકા પોલીસ સ્ટેશને નોંધાવેલ ફરિયાદ આધારે કલમ ૩૨૩, ૫૦૬(૨) તથા એટ્રોસીટી એકટ કલમ-૩(૧)(આર)(એસ), ૩(૨)(૫-એ) હેઠળ ડીવાયએસપી પઠાણ દ્વારા યુવાન પર હુમલો કરનાર રાજાભાઇ રતાભાઇ ગમારા જાતે ભરવાડ (ઉમર ૪૫) રહે. પ્રેમજીનગર (મકનસર) તાલુકો જીલ્લો મોરબીની ઉપરોકત ગુનામાં ધરપકડ કરવામાં આવેલ છે.
યુવાન સારવારમાં
મોરબી તાલુકાના માણેકવાડા ગામે રહેતો કિસન વસરામભાઇ ચનિયારા નામનો ૨૬ વર્ષીય યુવાન ગત રાત્રિના સાડા નવેક વાગ્યાના અરસામાં કોઈ અગમ્ય કારણોસર કપાસમાં છાંટવાની ઝેરી દવા પી જતા તેને અહીં આયુષ હોસ્પિટલ ખાતે સારવાર માટે લાવવામાં આવ્યો હતો બનાવની જાણ થતાં તાલુકા પોલીસ મથકના એન.જે.ખડીયા દ્વારા બનાવ અંગે આગળની તપાસ હાથ ધરવામાં આવી છે.જ્યારે માળિયા મિંયાણાના જુના ઘાંટીલા ગામે રહેતા મંજુબેન વશરામભાઈ ગઢીયા ગામના ૬૭ વર્ષીય આધેડ મહિલા વાડીએથી બાઈકમાં બેસીને ઘર તરફ જતા હતા ત્યારે રસ્તામાં તેઓ બાઇકમાંથી નીચે પડી જતા પગના ભાગે ઇજાઓ થવાથી મંજુબેનને સારવાર માટે મોરબી ખસેડવામાં આવ્યા હતા.
