મોરબી ગ્રામ્ય ક્રિકેટ એસો. દ્વારા ૩૦ એપ્રિલે અન્ડર-૧૬ અને અન્ડર-૧૪ ક્રિકેટ ટીમનું સિલેક્શન થશે
Morbi Today
મોરબીના ભરતનગર પાસે ટ્રેઇલરના ચોરખાના-ટૂલબોક્ષમાંથી ૪૪૪ બોટલ દારૂ-૨૮૮ બિયરના ટીન સાથે એક પકડાયો
SHARE
JOIN OUR GROUP
મોરબીના ભરતનગર પાસે ટ્રેઇલરના ચોરખાના-ટૂલબોક્ષમાંથી ૪૪૪ બોટલ દારૂ-૨૮૮ બિયરના ટીન સાથે એક પકડાયો
મોરબી તાલુકાના ભરતનગર ગામની સામે આવેલ રામદેવ વે - બ્રિજ પાસે માળીયા - મોરબી હાઇવે રોડ ઉપરથી ટ્રેઇલરને રોકીને પોલીસે ચેક કર્યું હતું ત્યારે ટુલબોક્ષ તથા ચોરખાનામાંથી ૨,૮૬,૨૬૦ નો દારૂ અને બિયરનો જથ્થો મળી આવ્યો હતો જેથી પોલીસે દારૂ અને બીયર તેમજ વાહન મળીને ૧૨,૮૬,૨૬૦ ના મુદામાલ સાથે એક રાજસ્થાનીની ધરપકડ કરેલ છે
મોરબી તાલુકા પોલીસના પોલીસ ઇન્સ્પેકટર વિરલ પટેલને મળેલ બાતમી આધારે મોરબી તાલુકાના ભરતનગર ગામ સામે રામદેવ વે-બ્રિજ પાસે ટાટા કંપનીનુ ટ્રેઇલર નં. આરજે ૧૯ જીડી ૫૮૬૪ પાર્ક કરેલ હતું જેને રેઇડ કરીને ચેક કરવામાં આવ્યું હતું ત્યારે પાછળના ભાગે બનાવેલ ચોર ખાનામાં તથા બંને સાઇડના ટુલબોક્ષમાં છુપાવેલ અલગ અલગ બ્રાન્ડની ભારતીય બનાવટની ઇગ્લીશદારૂની બોટલો તથા બીયરના ટીન મળી આવ્યા હતા જેથી પોલીસે અલગ અલગ બ્રાન્ડની દારૂની ૪૪૪ બોટલ તથા બીયરના ૨૮૮ ટીન કબ્જે કરીને દારૂ બીયર તેમજ વાહન મળીને ફૂલ ૧૨,૮૬,૨૬૦ ના મુદ્દામાલ સાથે આરોપી રામચંદ્ર દલારામ વૈષ્ણવ જાતે સાધુ (ઉ.૨૯) રહે. લાખોણી ગોદારોન કી ઢાણી, નિમ્બલકોટ, તાલુકો સિણધરી જિલ્લો બાડમેર રાજસ્થાન વાળાની ધરપકડ કરેલ છે આ કામગીરી પીઆઇ વિરલ પટેલ તથા વનરાજભાઇ ચાવડા તથા યુવરાજસિંહ જાડેજાએ કરી હતી
