મોરબીની પરા બજારમાં આઇપીએલની મેચ ઉપર જુગાર રમતા એક પકડાયો: એકની શોધખોળ

મોરબીના પરા બજાર વિસ્તારમાં અમદાવાદ હેર ડ્રેસર નામની દુકાન પાસે આઇપીએલની ક્રિકેટ મેચ ઉપર જુગાર રમતા એક શખ્સો પકડાયો છે અને તેની પાસેથી બીજા શખ્સનું નામ સામે આવ્યું હોવાથી તેને પકડવા માટે પોલીસે તજવીજ શરૂ કરી છે

બનાવની જાણવા મળતી માહિતી મુજબ મોરબીના પરા બજાર વિસ્તારમાં અમદાવાદ હેર ડ્રેસર નામની દુકાન પાસે આરોપી કલ્પેશભાઈ પ્રેમજીભાઈ રાવલ જાતે રાવળદેવ (ઉ.૩૭) રહે. નાગનાથ શેરી દરબાર ગઢની પાસે મોરબી વાળાએ ક્રિકબર્જ ઓનલાઈન એપ્લીકેશનમા લાઇવ મેચ નિહાળી કોલકતા(KKR) બેગ્લોર(RCB) ની ૨૦-૨૦ ક્રિકેટ મેચ ઉપર આરોપી વીર મો.નં.૬૩૫૨૦ ૭૮૪૯૭ સાથે રનફેરનો પૈસાનો જુગાર રમ્યો હતો જેથી પોલીસે રોકડા ૧૦,૫૦૦, એક મોબાઇલ મળીને ૧૫,૫૦૦ નો મુદામાલ કબજે કરેલ છે અને બીજા આરોપીને પકડવા માટે ચક્રોગતિમાન કરેલ છે