મોરબીના સિરામિક કારખાનામાંથી શ્રમિકની સગીર વયની દીકરીનું અપહરણ
Morbi Today
ટંકારાના વાછકપર ગામે વાડીએ પાણીના નિકલનો રસ્તો બંધ કરનારા પિતા-પુત્રોને સમજાવવા ગયેલા યુવાનને માર માર્યો
SHARE
JOIN OUR GROUP
ટંકારાના વાછકપર ગામે વાડીએ પાણીના નિકલનો રસ્તો બંધ કરનારા પિતા-પુત્રોને સમજાવવા ગયેલા યુવાનને માર માર્યો
ટંકારા તાલુકાના વાછકપર ગામની સીમમાં આવેલ યુવાનની વાડીએથી પાણીના નિકાલનો રસ્તો બંધ કરી દેવામાં આવ્યો હતો જેથી પાણીનો નિકાલ બંધ કરનારા પિતા-પુત્રોને સમજાવવા માટે યુવાન ગયો હતો ત્યારે યુવાનને અને તેની સાથે ગયેલા વ્યક્તિને ત્રણેય શખ્સોએ ગાળો આપીને ધોકા વડે માર માર્યો હતો જેથી કરીને ભોગ બનેલા યુવાને ટંકારા તાલુકા પોલીસ સ્ટેશને આ નાગેની ફરીયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
જાણવા મળતી વિગત પ્રમાણે રાજકોટના જુના જકાત નાકા પાસે કુવાડવા રોડ ઉપર શિવપરા શેરી નંબર-૨ માં રહેતા અને ચાંદી કામમાં મજૂરી કરતા ધર્મેશભાઇ મેઘજીભાઈ ડોડીયા જાતે કારડીયા રાજપુત (૪૨) એ હાલમાં ભુપતભાઈ, તેનો દીકરો લાલો અને બીજો દીકરો આમ કુલ મળીને ત્રણ શખ્સોની સામે માર માર્યો હોવા અંગેની ફરિયાદ નોંધાવેલ છે જેમાં તેમણે જણાવ્યું છે કે તેઓની વાડીએથી પાણીના નિકાલનો રસ્તો આરોપીઓએ વોંકડો બૂરીને બંધ કરી દીધો હતો જેથી કરીને આવું ન કરવા ફરિયાદી યુવાન સમજાવવા માટે ગયો હતો ત્યારે ત્યારે ભુપતભાઈ અને તેના બંને દિકરો ઉશ્કેરાઈ ગયા હતા અને તેઓએ ફરિયાદી ધર્મેન્દ્રભાઈ તેમજ તેની સાથે ગયેલ વ્યક્તિને ગાળો આપી હતી અને લાકડાના ધોકા વડે માર માર્યો હતો જેથી ભોગ બનેલા ધર્મેશભાઈ ડોડીયાએ સારવાર લીધા બાદ હાલમાં ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી ત્રણેય આરોપીઓને પકડવા માટે તપાસ શરૂ કરી છે
