રાષ્ટ્રીય કક્ષાની નેશનલ કોન્ફરન્સમાં મોરબી જીલ્લાનું નવયુગ કોલેજના પ્રિન્સિપાલ કરશે પ્રતિનિધિત્વ
Morbi Today
મોરબીના બિલીયા ગામના યુવાનનું માર્ગ અકસ્માતમાં મોત
SHARE
JOIN OUR GROUP
મોરબીના બિલીયા ગામના યુવાનનું માર્ગ અકસ્માતમાં મોત
મોરબી તાલુકાના બીલીયા ગામે રહેતો અને મોરબીમાં સિરામિક યુનિટમાં કામકાજ કરતો યુવાન ગત મોડીરાત્રીના ઘરે પરત જતો હતો ત્યારે રસ્તામાં બગથળા અને બીલીયા ગામની વચ્ચે વાહન અકસ્માતનો બનાવ બન્યો હતો જે બનાવમાં માથાના ભાગે ગંભીર ઇજાઓ થવાથી યુવાનનું મોત નિપજયું હોવાનું જાણવા મળેલ છે
મોરબી તાલુકા પોલીસ મથકના સૂત્રો તેમજ ગામના સરપંચ કાંતીભાઇ પેથાપરા પાસેથી મળતી માહિતી મુજબ બિલીયા ગામના રહેવાસી રાજીવભાઇ રમેશભાઇ સાણંદીયા નામનો ૩૭ વર્ષીય યુવાન તા.૧૮-૩ ના રાત્રીના નવેક વાગ્યાના અરસામાં મોરબી બાજુથી પરત બીલીયા જઇ રહ્યો હતો ત્યારે બીલીયા અને બગથળાની વચ્ચે આવેલા રોયલ ફાર્મ નજીક તેનો વાહન અકસ્માત સર્જાયો હતો અને માથાના ભાગે ગંભીર ઇજાઓ થતાં ઘટનાસ્થળે જ રાજીવ સાણંદીયા નામના આશાસ્પદ યુવાનનું મોત નીપજ્યું હતું.વધુમાં મળતી માહિતી મુજબ મૃતક લેન્ડમાર્ક સીરામીકમાં માર્કેટિંગ વિભાગમાં કામકાજ કરતો હતો અને ગઈકાલે તે રાત્રીના સાડા આઠથી નવેક વાગ્યાના અરસામાં મોરબી તરફથી પોતાના ગામ બીલીયા જઈ રહ્યો હતો.ત્યારે બગથળા અને બીલીયા વચ્ચે આવેલા રોયલ ફાર્મ પાસે વાહન અકસ્માત સર્જાયો હતો જેમાં તેને માથાના ભાગે ઇજા થતાં તેનું મોત નીપજ્યું છે.બનાવ બાઇક સાથે ભુંડ કે રોજડુ અથડાતા સર્જાયો છે..? કે અન્ય કોઈ વાહનના ચાલકે રાજીવના બાઈકને હડફેટે લીધું છે..? કે બાઇક સ્લીપ થઇ ગયેલ છે..? તે જાણવા માટે સીસીટીવી ફૂટેજ મેળવવા માટે તજવીજ ચાલુ કરવામાં આવી છે.તાલુકા પોલીસે બનાવની નોંધ કરી આગળની તપાસ હાથ ધરેલ છે
વાહન અકસ્માતમાં ઈજા
મોરબીના હળવદ તાલુકાનાં ધણાદ ગામના રહેવાસી દેવકરણભાઈ રણછોડભાઈ જીંજરિયા નામના ૫૭ વર્ષીય આધેડ રણમલપુર ગામ પાસેથી બાઈકમાં જતા હતા તે દરમિયાન બાઈક સ્લીપ થઈ જતા ઇજાગ્રસ્ત દેવકરણભાઈને સારવારમાં મોરબી ખસેડાયા હતા.જ્યારે મોરબીના વાંકાનેર હાઇવે ઉપર આવેલ રફાળેશ્વર ગામે રહેતો સંજય રણછોડભાઈ સરૈયા નામનો ૩૪ વર્ષીય યુવાન વાંકાનેર હાઇવે ઉપર હોટલ સરોવર પાર્ટીકો નજીકથી બાઇકમાં જતો હતો ત્યારે તેનું બાઇક ડિવાઇડર સાથે અથડાતાં ઈજાગ્રસ્ત સંજય સરૈયાને સારવાર માટે આયુષમાં ખસેડાયો હતો.તેમજ મોરબીના મકનસર ગામના રહેવાથી નારણભાઈ ભવાનીશંકર નંદી નામના ૨૬ વર્ષીય યુવાનને મકનસર પાસેના એક્સેલ સિરામિક નજીક મારામારીના બનાવમાં ઇજાઓ થતાં તેને પણ સારવારમાં ખસેડાયો હતો.
