મોરબીમાં વૃદ્ધાના ગાળામાંથી ચીલઝડપ કરેલ સોનાના ચેન-પેન્ડલની ખરીદી કરનાર સોનીની ધરપકડ
Morbi Today
મોરબીના નવલખી રોડ ઉપર બાઇક ડિવાઇડર સાથે અથડાતા ઘવાયેલ યુવાન સારવારમાં
SHARE
JOIN OUR GROUP
મોરબીના નવલખી રોડ ઉપર બાઇક ડિવાઇડર સાથે અથડાતા ઘવાયેલ યુવાન સારવારમાં
મોરબીના માનસર ગામનો યુવાન મોરબીથી પરત ઘર તરફ જતો હતો ત્યારે નવલખી હાઇવે ઉપર તેનું બાઇક ડિવાઇડર સાથે ટકરાતા સર્જાયેલા અકસ્માતમાં ઇજાગ્રસ્ત યુવાનને હાલ સારવારમાં ખસેડાયો હોવાનું જાણવા મળેલ છે.
મોરબી તાલુકા પોલીસ મથકના સૂત્રોમાંથી મળતી માહિતી મુજબ તાલુકાના માનસર ગામે રહેતો વિશાલ ત્રિભોવનભાઈ દેત્રોજા નામનો ૨૦ વર્ષીય યુવાન મોરબીના સામાકાંઠે આવેલ એલ.ઇ.કોલેજ બાજુથી પરત ઘર તરફ માનસર જવા નીકળ્યો હતો.ત્યારે નવલખી હાઇવે ઉપર રોકડિયા હનુમાનથી આગળ બાગબાન પાર્ટી પ્લોટ નજીક તેનું બાઇક ડિવાઇડર સાથે ટકરાતા સર્જાયેલા અકસ્માતના બનાવમાં વિશાલ દેત્રોજાને ઇજાઓ થતા અહીંની ખાનગી હોસ્પીટલે સારવાર માટે ખસેડાયો હતો.હોસ્પિટલ સત્તાવાળાઓ તરફથી જાણ થતાં હાલમાં તાલુકા પોલીસ મથકના એમ.એલ.બારૈયાએ આગળની તપાસ હાથ ધરી છે.
એક બોટલ દારૂ સાથે પકડાયો
મોરબી તાલુકાના લાલપર ગામનો રહેવાસી દિનેશ રાણાભાઈ સોલંકી નામનો ૨૨ વર્ષીય યુવાન લાલપર ગામની સીમમાં આવેલા લોરેન્જો વિટ્રીફાઈડ નામના કારખાના નજીકથી જતો હતો ત્યારે તાલુકા પોલીસ સ્ટાફે તેને અટકાવીને તેની અંગઝડતી લેતાં તેની પાસેથી એક બોટલ દારૂ મળી આવતા રૂપિયા ૩૭૫ ની કિંમતની દારૂની એક બોટલ સાથે હાલમાં દિનેશ સોલંકીની ધરપકડ કરવામાં આવી છે જોકે તેણે કોની પાસેથી આ બોટલ મેળવી છે..? તે દિશામાં પોલીસ તપાસ થાય તે જરૂરી છે. જ્યારે મોરબીના સામાકાંઠે વિશાલ ફર્નિચર નજીક થયેલ મારામારીના બનાવમાં વિનોદ ખીમજીભાઈ નામના 38 વર્ષીય યુવાનને ઇજાઓ થતાં તેને સારવાર માટે ખસેડવામાં આવ્યો હતો.
યુવતી સારવારમાં
મોરબીના સામાકાઠે મહેન્દ્રનગર ચોકડી પાસે રહેતી પ્રિયાબેન ગુલાબરાય નાજી નામની ૨૩ વર્ષીય યુવતીએ તેના ઘેર કોઇ કારણોસર ફિનાઇલ પી લેતાં તેણીને સારવાર માટે સિવિલમાં ખસેડવામાં આવી હતી અને બનાવને પગલે હાલમાં બી ડિવિઝન પોલીસ મથકના જશપાલસિંહ જાડેજાએ બનાવના કારણ અંગે આગળની તપાસ હાથ ધરી છે. તેમજ મોરબીના માળીયા હાઇવે ઉપર આવેલા ટીંબડી ગામે રહેતા છગનભાઈ કુબેરભાઈ પરમાર નામના ૫૯ વર્ષીય આધેડ ઘરેથી કારખાને જવા માટે નીકળ્યા હતા અને નેશનલ હાઈવે ઉપર તેઓ ટ્રકમાં બેસીને જઈ રહ્યા હતા તે દરમ્યાનમાં તેઓ ટ્રકમાંથી નીચે પડી જતાં ઇજાગ્રસ્ત છગનભાઈ પરમારને સારવારમાં ખસેડાયા છે.
