મોરબીમાં યોજાયેલ મેગા નેશનલ લોક અદાલતમાં ૩૮૯૫ કેસનો કરાયો નિકાલ
SHARE
JOIN OUR GROUP
મોરબીમાં યોજાયેલ મેગા નેશનલ લોક અદાલતમાં ૩૮૯૫ કેસનો કરાયો નિકાલ
રાષ્ટ્રીય કાનુની સેવા સત્તા મંડળ (NASA) નવી દિલ્હી તેમજ ગુજરાત રાજય કાનુની સેવા સત્તા મંડળ અમદાવાદના માર્ગદર્શન હેઠળ મોરબી જીલ્લા કાનુની સેવા સત્તા મંડળ દ્વારા મોરબી જીલ્લાની તમામ અદાલતો તેમજ મોરબી જીલ્લાની ફેમીલી કોર્ટ ખાતે મુખ્ય જીલ્લા ન્યાયાધીશ એ.ડી.ઓઝાના માર્ગદર્શન હેઠળ મેગા નેશનલ લોક અદાલતનું આયોજન કરવામાં આવ્યું હતું
આ લોક અદાલતમાં મોટર વાહન અધિનિયમ ૧૯૮૮ અંતર્ગત અકસ્માતને લગતા કેસો (MACP MATTERS), ફોજદારી સમાધાનને લાયક કેસો, નેગોશીયેબલ ઇન્સ્ટ્રુમેન્ટ એકટની કલમ ૧૩૮ ના કેસો, લગ્ન સંબંધી ફેમીલી કેસો, ભરણપોષણના કેસો, LAR ના કેસો, બેન્કના દાવાઓ તથા પી.જી.વી.સી.એલ.ના કેસો સમાધાન માટે મુકેલા હતા અને લોકઅદાલતમાં કુલ ૪૬૫ કેસોમાં સુખદ સમાધાન થયેલું હતું તેમજ પ્રી-લીટીગેશનના કેસો (કોર્ટમાં દાખલ નહી થયેલ કેસો) માં કુલ ૧૦૭૪ કેસોમાં સુખદ સમાધાન થયેલું હતું તેમજ મેજીસ્ટ્રેટઓના સ્પેશીયલ સીંટીંગમાં ૨૩૫૬ કેસોનો નિકાલ થયેલ હતો અને તમામ કેસો મળીને કુલ ૨૫,૯૭,૫૯,૦૫૫ રકમનું સેટલમેન્ટ થયેલું હતું
