ટંકારા નજીક રીક્ષાને કાર ચાલકે હડફેટે લેતા ઇજા પામેલા વૃધ્ધને સારવારમાં ખસેડાયા
SHARE
JOIN OUR GROUP
ટંકારા નજીક રીક્ષાને કાર ચાલકે હડફેટે લેતા ઇજા પામેલા વૃધ્ધને સારવારમાં ખસેડાયા
ટંકારા નજીક રિલાયન્સ પેટ્રોલ પંપ પાસેથી રીક્ષા ચાલક પોતાની રિક્ષા લઈને જુના રસ્તા પર રોડ ક્રોસ કરી રહ્યા હતા ત્યારે કાર ચાલકે તેની રિક્ષાને અડફેટે લીધી હતી જેથી કરીને રિક્ષાચાલકને હાથે-પગે, અંગૂઠામાં અને પાંસળીમાં ઈજા થઈ હતી માટે તેને સારવારમાં ખસેડાયા હતા અને હાલમાં રિક્ષા ચાલકે કાર ચાલકની સામે ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી વિગત પ્રમાણે મોરબી શહેરના વાવડી રોડ ઉપર આવેલ ક્રિષ્ના પાર્ક સોસાયટીમાં રહેતા મામદભાઇ ખમીશાભાઇ ભુંગર જાતે સંધી (ઉ.૬૪) પોતાના હવાલા વાળી સીએનજી રીક્ષા નંબર જીજે ૩ એઝેડ ૬૦૧૭ લઈને ટંકારા તાલુકાના જુના રસ્તા પાસે રોડ ક્રોસ કરી રહ્યા હતા ત્યારે કાર નંબર જીજે ૩૬ એલ ૭૭૯૭ ના ચાલકે રીક્ષાને હડફેટે લીધી હતી જેથી કરીને મામદભાઇને હાથે પગે, અંગૂઠામાં અને છાતીના ભાગે પાસળીમાં ઇજાઓ થઇ હોવાથી તેને સારવારમાં ખસેડવામાં આવ્યા હતા અને સારવાર લીધા બાદ મામદભાઇએ કારના ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે
