ટંકારા નજીકથી મળી આવેલ પાકીટ મૂળ મલીકને પરત કર્યું
SHARE
JOIN OUR GROUP
ટંકારા નજીકથી મળી આવેલ પાકીટ મૂળ મલીકને પરત કર્યું
ટંકારાથી મોરબી હાઈવે ઉપર હોટેલ નજીક પાકીટ રસ્તે પડેલું જોઈ મોરબીના યુવાને ટંકારા પોલીસ મથકે આપી ઈમાનદારી અને સામાજિક જવાબદારી નિભાવી હતી. તો ટંકારા પોલીસના એએસઆઈ ફારૂકભાઈ પટેલે પાકીટમાં રહેલ આધારકાર્ડ મારફત મુળ માલિક શોધીને પરત કર્યુ હતું.
ટંકારા તાલુકાના રાજાવડલા ગામે રહેતા અને ખાનગી શાળામા શિક્ષક તરીકે ફરજ બજાવતા છૈયા રાજદીપભાઇ રાજકોટ મોરબી રોડ પર આવેલ લજાઈ નજીકની હોટલે હતા ત્યારે જરૂરી ડોક્યુમેન્ટ જેમ કે પાનકાર્ડ, આધારકાર્ડ, એટીએમ અને પૈસા સાથેનું તેમનું પાકીટ રોડ ઉપર પડી જતા રાત્રે દશેક વાગ્યાના સુમારે મોરબીના વિશીપરાના યુવાન એજાજ મુસ્તાકભાઈ કાલડિયાને નજરે ચડતા ઈમાનદારી અને સામાજિક જવાબદારી સમજીને લજાઈ ચોકડીથી છેક પરત ટંકારા પોલીસ મથકે પહોંચીને પાકીટ મુળ માલિક સુધી પહોંચાડવાની જવાબદારી નિભાવી હતી.ટંકારા પોલીસ સ્ટેશનના પીએસઓ અને સાઈબર ક્રાઈમ એક્સપર્ટ એએસઆઈ ફારૂકભાઈ યાકૂબભાઈ પટેલે તાત્કાલિક આધારકાર્ડ આધારે કોન્ટેક્ટ નંબર શોધીને પાકીટના મુળ માલિક એવા છૈયા રાજદીપ રહે.રાજાવડવાળાને પરત કર્યુ હતું.પાકીટ પરત આપનાર યુવકે સામાજીક જવાબદારી બખુબી નિભાવતા પીએસઆઈ એસ.એમ.રાણા સહીત પોલીસ સ્ટાફ અને પાકીટ માલીકે એજાઝભાઇની આ ઉમગા કામગીરીને બીરદાવી હતી.
