મોરબીના લુંટાવદર-વીસીપરામાં દારૂની બે રેડ, ૮૫ બોટલ દારૂ કબજે: એક આરોપી ઝડપાયો, બેની શોધખોળ
Morbi Today
મોરબીમાં કામ દરમિયાન મશીનમાં હાથ આવી જતાં ઇજાગ્રસ્ત યુવાન સારવારમાં
SHARE
JOIN OUR GROUP
મોરબીમાં કામ દરમિયાન મશીનમાં હાથ આવી જતાં ઇજાગ્રસ્ત યુવાન સારવારમાં
મોરબીના વાંકાનેર હાઇવે ઉપર ઢુવા ગામ પાસેના સિરામિક યુનિટમાં કામ દરમ્યાન મશીનમાં હાથ આવી જતાં ઇજા પામેલ યુવાનને સારવાર માટે ખસેડાયો હતો.
બનાવની જાણવા મળતી વિગતો મુજબ મોરબીના વાંકાનેર હાઇવે ઉપર ઢુવા ગામ પાસે આવેલ સિગ્નેચર સીરામીક નામના યુનિટમાં રહીને ત્યાં મજૂરીકામ કરતા પ્રકાશ પાંડુરામ ખોડાલસર (ઉમર ૨૭) નામના યુવાનનો કામ દરમ્યાન મશીનમાં હાથ આવી ગયો હતો.જેથી ગંભીર રીતે ઇજાગ્રસ્ત પ્રકાશ ખોડાલસરને અહીંની સિવિલ હોસ્પિટલે સારવાર માટે લાવવામાં આવ્યો હતો. બનાવને પગલે એ ડિવિઝન પોલીસ મથકના હરેશભાઇ ચાવડાએ પ્રાથમિક તપાસ કરીને બનાવ વાંકાનેર તાલુકા પોલીસ મથકની હદમાં બન્યો હોય ત્યાં બનાવ સંદર્ભે જાણ કરી હતી.
યુવાન સારવારમાં
મોરબીના જોધપર ગામે આવેલ અમાની પોલિટેકનીક નામના કારખાનામાં ટ્રક ઉપર માલ ભરતી વખતે ટ્રક ઉપરથી ઊંચાઈએથી નીચે પટકાતા શુભકાંત દયાનિધિ રૌલ નામના ૨૨ વર્ષીય પરપ્રાંતિય મજુર યુવાનને સારવાર માટે મોરબી લાવવામાં આવ્યો હતો.જ્યારે મોરબી-વાંકાનેર હાઇવે ઉપરના મકનસર ગામે રહેતા અને મોમભાઈ રૂખડભાઈ લાંબરીયા નામના ૬૦ વર્ષિય વૃદ્ધને મકનસર પાસે રિક્ષા પલ્ટી જતાં સર્જાયેલ અકસ્માતમાં ઈજાઓ થવાથી તેમને મોડી રાત્રીના અગિયાર વાગ્યે સારવાર માટે અત્રેની સિવિલે લાવવામાં આવ્યા હતા.
વાહન અકસ્માતમાં ઈજા
સુરેન્દ્રનગરના વઢવાણ તાલુકાના મેમકા ગામે રહેતા ધીરૂભાઇ કરસનભાઈ પટેલ નામના ૫૦ વર્ષથી આધેડ ગામ નજીકથી બાઈક લઈને જતા હતા ત્યારે બાઇક સ્લીપ થઇ જતાં ઇજાગ્રસ્ત ધીરૂભાઈ પટેલને અત્રે સારવાર માટે લાવવામાં આવ્યા હતા.જ્યારે ટંકારાના નેસડા ગામ પાસે ટ્રેકટર ચાલકે હડફેટે લેતા રાજકોટના ખાનપર ગામના વતની જયસુખભાઇ છગનભાઈ ઘોડાસરા નામના ૫૫ વર્ષીય આધેડને પણ સારવાર માટે અહીંની ખાનગી હોસ્પિટલમાં સારવાર માટે લાવવામાં આવ્યા હતા.
