મોરબીમાં વૈજ્ઞાનિક થોમસ આલ્વા એડીસન અને ચાલ્સ ડાર્વિનના જન્મદિને સ્પર્ધા યોજાશે
Morbi Today
મોરબીમાંથી ગુમ થયેલ યુવાન મળી આવ્યો
SHARE
JOIN OUR GROUP
મોરબીમાંથી ગુમ થયેલ યુવાન મળી આવ્યો
મોરબીના વીસીપરા વિસ્તારમાં આવેલ રોહીદાસપરા શેરી નંબર-૬ માં રહેતો મહેશ વસંતભાઈ શુકલ જાતે બ્રાહ્મણ નામનો ૩૯ વર્ષીય યુવાન ગત તા.૧૦-૫ ના રોજ ઘરેથી કામે જવાનું કહીને નીકળ્યા બાદ ગુમ થઇ ગયો હતો.તેની મામાની દીકરી સાથે તેનાં લગ્ન થયા બાદ ત્રણ વર્ષથી છૂટાછેડા થયા હતા અને તેના લીધે માતા અને મામાને ઝઘડો થયો હોય તે બાબતનું મનોમન લાગી આવતાં પોતે સુરત ચાલ્યો ગયો હતો અને ત્યાં મોબાઈલ ફોન બંધ કરીને કડિયાકામ કરવા લાગ્યો હતો અને પોતાની જાતે જ મોરબી પરત આવી જતા પોલીસમાં હાજર થઈને તેણે ઉપર મુજબ નિવેદન આપ્યુ હોય તપાસ અધિકારી વી.ડી.મેતાએ આ અંગે નોંધ કરીને આગળની તપાસ હાથ ધરી હતી.
મારામારીમાં ઇજા
મોરબીના જીવરાજ પાર્ક વિસ્તારમાં રહેતા હિનાબેન રાહુલભાઈ જાદવ નામની ૨૦ વર્ષીય મહિલાને મારામારીના બનાવમાં ઈજાઓ થતા સારવાર માટે સિવિલે ખસેડવામાં આવી હતી પોલીસ સૂત્રોના જણાવ્યા પ્રમાણે બાજુવાળા મોનિકાબેન ભુપતભાઈ જાદવ તેઓને ત્યાં નોનવેજ આપી જતા અને પોતે નોનવેજ ખાતા ન હોય તે વાતને લઈને ઝઘડો થયો હતો જે બનાવમાં મારામારી થતાં હીનાબેન જાદવને ઇજાઓ થતાં સારવારમાં ખસેડાયા હોવાનું બી ડિવિઝન પોલીસ સુત્રોમાંથી જાણવા મળેલ છે.
ઝેરી દવા પીતા સારવારમાં
મોરબીના ગ્રીનચોક કંસારા શેરી વિસ્તારમાં રહેતા સીતાબેન સંજયભાઈ ડોડીયા નામના ૪૨ વર્ષીય મહિલાએ કોઈ કારણોસર ઝેરી દવા પી લેતા તેઓને સારવાર માટે અહીંની ક્રિષ્ના હોસ્પિટલ ખાતે ખસેડવામાં આવ્યા હતા બનાવને પગલે એ ડિવિઝન પોલીસ મથકના એચ.એમ.ચાવડાએ બનાવ અંગે આગળની તપાસ હાથ ધરી છે.જ્યારે ટંકારા તાલુકાના વીરપર ગામે રહેતા લાભુ હરજીભાઈ કુકવાવા નામના ૩૧ વર્ષીય બાઈકમાં બેસીને માટેલ-હળવદ રોડ ઉપરથી જતા હતા ત્યાં જામસર ચોકડી નજીક તેઓનું બાઈક સ્લીપ થઈ જતા બાઇકમાંથી પડી જતા લાભુ હરજીભાઈને સારવાર માટે મોરબીની હોસ્પિટલ ખાતે લાવવામાં આવ્યા હતા.
