મોરબીના પીપળીયા ચાર રસ્તા નજીક બંધ પડેલા કારખાનામાંથી 4.25 લાખના કોપર વાયરની ચોરી
SHARE
JOIN OUR GROUP
મોરબીના પીપળીયા ચાર રસ્તા નજીક બંધ પડેલા કારખાનામાંથી 4.25 લાખના કોપર વાયરની ચોરી
મોરબીના પીપળીયા ચાર રસ્તા પાસે રેલવેના ક્વાર્ટરની પાછળના ભાગમાં આવેલા કારખાનામાં અજાણ્યા શખ્સે બાકોરમાંથી પ્રવેશ કર્યો હતો અને બાદમાં ત્યાંથી 1776 ફૂટ કોપર વાયરની ચોરી કરવામાં આવેલ છે જેની કુલ કિંમત 4.25 લાખ રૂપિયા થાય છે જેથી કરીને હાલમાં ભોગ બનેલા કારખાનેદાર દ્વારા મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
મોરબીના સનાળા રોડ ઉપર નવા બસ સ્ટેશન સામે આવેલ પરિશ્રમ એપાર્ટમેન્ટમાં રહેતા રાજેન્દ્રભાઈ મનજીભાઈ બાવરવા (55)એ હાલમાં અજાણ્યા શખ્સની સામે વાયર ચોરીની ફરિયાદ નોંધાવેલ છે જેમાં તેને જણાવ્યું છે કે મોરબીના નવલખી રોડ ઉપર લૂંટાવદર ગામની સીમમાં પીપળીયા ચોકડી પાસે રેલવેના કવાર્ટરની પાછળના ભાગમાં તેઓનું કયોર અર્થ નામનું કારખાનું આવેલ છે જે બંધ પડેલા કારખાનામાં ગત તા 23/6/2026 થી લઈને 23/8/2026 સુધીના સમયગાળામાં કોઈપણ સમયે અજાણ્યા શખ્સ દ્વારા શેડના બાકોરામાંથી પ્રવેશ કરવામાં આવ્યો હતો અને ત્યારબાદ ત્યાંથી અલગ અલગ સાઈઝનો 1776 ફૂટ કોપર વાયર જેની કુલ કિંમત 4.25 લાખ રૂપિયા થાય છે તે કોપર વાયરની ચોરી કરવામાં આવેલ છે જેથી હાલમાં આધેડે નોંધાવેલ ફરિયાદ આધારે પોલીસે અજાણ્યા શખ્સની સામે ગુનો નોંધીને આરોપીને પકડવા માટે તજવીજ શરૂ કરેલ છે
