વાંકાનેરના જોધપર ગામે બે મહિલાઓને દંપતિએ પાઇપ અને ધોકા વડે માર માર્યો

વાંકાનેર તાલુકાના જોધપર ગામે રહેતી મહિલાએ અગાઉ ઝઘડો કરીને ગાળો આપવા બાબતે તે ગામમાં રહેતી મહિલાની સામે અરજી કરી હતી જે બાબતનો ખાસ રાખીને દંપતિએ અરજી કરનાર મહિલાની સાથે ગઈકાલે સાંજે ઝઘડો કર્યો હતો અને પ્લાસ્ટિકના પાઇપ વડે મહિલાએ મહિલાને માર માર્યો હતો તેમજ તેના પતિએ મહિલાની ભત્રીજા વહુને લાકડી વડે માર માર્યો હતો અને બંનેને જાનથી મારી નાખવાની ધમકી આપવામાં આવી હતી જેથી ભોગ બનેલ બંને મહિલાઓને સારવાર માટે હોસ્પિટલે લઈ ગયા હતા અને હાલમાં વાંકાનેર તાલુકા પોલીસ સ્ટેશન ખાતે આ બનાવ સંદર્ભે ફરિયાદ નોંધાતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

વાંકાનેર તાલુકાના જોધપર ગામે રહેતા નાગલબેન વાલજીભાઈ રાઠોડ (45)એ હાલમાં ભાવુબેન કિશનભાઇ સોલંકી અને કિશનભાઇ સોલંકી રહે. બંને જોધપર ગામ વાળા સામે વાંકાનેર તાલુકા પોલીસ સ્ટેશન ખાતે ફરિયાદ નોંધાવી છે જેમાં જણાવ્યું છે કે ફરિયાદીએ આરોપી ભાવુબેન વિરુદ્ધમાં અગાઉ નાની-નાની બાબતોમાં ઝઘડો કરીને ગાળા ગાળી કરવા બાબતે અરજી કરી હતી જે બાબતનો ખાર રાખીને બંને આરોપીઓએ ગઈકાલે સાંજે ફરિયાદી સાથે ઝઘડો કર્યો હતો અને ફરિયાદીને પ્લાસ્ટિકના પાઇપ વડે ભાવુબેને માર માર્યો હતો જ્યારે કિશનભાઇએ ફરિયાદીના ભત્રીજા વહુને લાકડી વડે માર મારી જાનથી મારી નાખવાની ધમકી આપી હતી જેથી ભોગ બનેલ બંને મહિલાઓએ સારવાર લીધા બાદ હાલમાં વાંકાનેર તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આગળની કાર્યવાહી હાથ ધરી છે.