મોરબીમાં જુગારની જુદાજુદા સ્થળે બે રેડમાં 7 શખ્સ 35,300 ની રોકડ સાથે પકડાયા

મોરબીના ત્રાજપર વિસ્તારમાં જાહેરમાં તથા આનંદનગરમાં રહેતા શખ્સનાં ઘરની અંદર જુગારની જુદી જુદી બે રેડ કરવામાં આવી હતી ત્યારે કુલ મળીને 7 શખ્સો જુગાર રમતા મળી આવ્યા હતા જેથી પોલીસે 35,300 ની રોકડ કબજે કરી હતી અને બી ડિવિઝન પોલીસ સ્ટેશન ખાતે જુગારના જુદા જુદા બે ગુના નોંધાયેલ છે

મોરબીના ત્રાજપર વિસ્તારમાં ઓરિએન્ટલ બેંક વાળી શેરીમાં જાહેરમાં જુગારની રેડ કરવામાં આવી હતી ત્યારે ત્યાં સ્થળ ઉપરથી જુગાર રમતા નયનભાઈ કિશોરભાઈ મેર (22) રહે. કુબેરના ઢાળ પાસે મફતિયાપરા મોરબી, કિશનભાઇ મનીષભાઈ ઝીંઝવાડીયા (24) રહે. ત્રાજપર મોરબી અને મંજુબેન દિનેશભાઈ સનુરા (50) રહે. ત્રાજપર ઓરિએન્ટલ બેંક વાળી શેરીમાં મોરબી વાળા મળી આવ્યા હોય પોલીસે તેની પાસેથી 5200 ની રોકડ કબજે કરી હતી જ્યારે મોરબીના સામાકાંઠા વિસ્તારમાં આવેલ આનંદનગર શેરી નં 1 માં રહેતા ઇન્દ્રસિંહ જાડેજાના રહેણાંક મકાનના જુગાર રમતા હોવાની હકીકત આધારે સ્થાનિક પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા ઘરધણી ઇન્દ્રસિંહ નવલસિંહ જાડેજા (50) તથા જગદીશભાઈ મોતીભાઈ નૈયા (40) રહે. માનસ સોસાયટી મેઇન શેરી પીપળી, યાસીનભાઈ રહીમભાઈ દલ (28) રહે. વાવડી રોડ બાવલિયા પીરની દરગાહ પાસે મોરબી અને ઉમેદભાઈ દાઉદભાઈ પઢીયાર (47) રહે. વાવડી રોડ કારીયા સોસાયટી મોરબી વાળા જુગાર રમતા મળી આવ્યા હોય પોલીસે 30,100 ની રોકડ સાથે તેની ધરપકડ કરી હતી અને બી ડિવિઝન પોલીસ સ્ટેશન ખાતે જુગારના જુદાજુદા બે ગુના નોંધાયા છે

મહિલા સારવારમાં

મોરબીના જુના ઘૂટું રોડ ઉપર આવેલ કારખાનામાં રહેતા દિવ્યાબેન ગોવિંદભાઈ (18) નામની મહિલા કોઈ કારણોસર સફેદ ગ્લોસી પાઉડર પી ગઈ હતી જેથી કરીને તેને તાત્કાલિક સારવાર માટે મોરબીની ખાનગી હોસ્પિટલમાં લાવ્યા હતા અને ત્યાં તેને સારવાર આપીને બનાવની પોલીસને જાણ કરતા પોલીસે આગળની કાર્યવાહી હાથ ધરી હતી.

મહિલાને હાથમાં બચકું ભર્યું

મોરબીના સામાકાંઠા વિસ્તારમાં રહેતા હંસાબેન ચંદુભાઈ સનાળીયા (45) નામની મહિલાને રવિવારી બજાર પાસે પાડોશમાં રહેતી વ્યક્તિએ ડાબા હાથે બચકું ભરી લીધું હતું અને ધોકા વડે માર માર્યો હતો જેથી ઈજા પામેલ મહિલાને સારવાર માટે હોસ્પિટલે લાવ્યા હતા અને ત્યાં તેને સારવાર આપ્યા બાદ આ બનાવની પોલીસને જાણ કરતાં પોલીસે આગળની કાર્યવાહી હાથ ધરી હતી