મોરબીની પરબજારમાં દુકાન ઉપરથી જૂના બંધકામનો ભાગ તૂટી પડ્યો

મોરબી શહેરના પરબજાર વિસ્તારમાં અશોક મેડિકલની ઉપરના ભાગમાં જે બાંધકામ આવેલ છે તે બાંધકામમાંથી જૂનું બાંધકામ હોવાના કારણે નળિયા સહિતનો ભાગ ઉપરથી કોઈ કારણોસર સોમવારે સાંજના 6:30 વાગ્યાના અરસામાં અચાનક તૂટી પડ્યો હતો. જોકે સદનસીબે નીચેના ભાગમાં આવેલી દુકાનો પાસે કોઈ વ્યક્તિ હાજર ન હોવાથી કોઈને ઈજા કે જાનહાની થયેલ નથી પરંતુ કોઈ જગ્યાએ જૂનું બાંધકામ તૂટી પડે અને તે કોઈ નિર્દોષ વ્યક્તિ માટે જીવલેણ સાબિત ન થાય તે માટે વહેલી તકે મહાનગરપાલિકા દ્વારા પગલાં લેવામાં આવે તે જરૂરી છે.