મોરબીમાં મહિલાની સાથે માથાકૂટ કરીને ઝાપટો મારીને હાથની આંગળીમાં બચકું ભરી લીધું
SHARE
JOIN OUR GROUP
મોરબીમાં મહિલાની સાથે માથાકૂટ કરીને ઝાપટો મારીને હાથની આંગળીમાં બચકું ભરી લીધું
મોરબીમાં આવેલ ઉમિયાનગર વિસ્તારમાં મહિલાની સાથે બોલાચાલી ઝઘડો કરી ગાળો આપવામાં આવી હતી ત્યારબાદ તેને ઝાપટો મારીને હાથની આંગળીમાં બચકું ભરી લીધું હતું જેથી ઈજાગ્રસ્ત મહિલાને સારવાર માટે હોસ્પિટલે લઈ ગયા હતા અને ત્યારબાદ મહિલાએ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે
મૂળ કર્ણાટકના રહેવાસી અને હાલમાં મોરબીમાં આવેલ ગ્રીન ચોક પાસે કંસારા શેરીમાં રહેતા ગીતાબેન નાગોશીભાઈ નિરંજની (43)એ મોરબી બી ડિવિઝન પોલીસ સ્ટેશન ખાતે જીગ્નેશભાઈ લાલાભાઇ ચૌહાણ રહે. ઉમિયા નગર મોરબી 2 વાળાની સામે ફરિયાદ નોંધાવેલ છે જેમાં જણાવ્યું છે કે, તેઓ આરોપીના ઘર પાસે ગયા હતા ત્યારે આરોપીએ તેને જેમ ફાવે તેમ ગાળો આપીને બોલાચાલી કરી હતી ત્યારબાદ ફરિયાદી મહિલાને ઝાપટો મારી હતી અને ડાબા હાથમાં મોટી આંગળીના નખમાં બચકું ભરી લીધું હતું જેથી કરીને ઇજાગ્રસ્ત મહિલાને સારવાર માટે હોસ્પિટલે લઈ ગયા હતા અને ત્યારબાદ તેને નોંધાવેલ ફરિયાદ આધારે પોલીસે હાલમાં ગુનો નોંધીને આગળની રાબેતા મુજબની કાર્યવાહી હાથ ધરી છે
