મોરબીના આંદરણા ગામે ઘરમાંથી રોકડ-દાગીના મળીને 7.36 લાખના મુદ્દામાલની ચોરી

મોરબી હળવદ હાઇવે રોડ ઉપર આવેલ આંદરણા ગામે રહેતા આધેડના ઘરને અજાણ્યા તસ્કરે નિશાન બનાવ્યું હતું અને ઘરની અંદર પ્રવેશ કરીને કબાટમાંથી સોના ચાંદીના દાગીના તથા રોકડા રૂપિયા અને અન્ય વસ્તુ મળીને 7.36 લાખના મુદ્દામાલની ચોરી કરવામાં આવેલ છે જેથી કરીને ભોગ બનેલા આધેડ મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

મોરબીના આંદરણા ગામે ટેલીફોન એક્સચેન્જ વાળી શેરીમાં રહેતા કમલેશભાઈ મેરામણભાઇ બોરાણા (50)એ અજાણ્યા શખ્સની સામે ચોરીની ફરિયાદ નોંધાવી છે જેમાં તેને જણાવ્યુ છે કે, તા. 17/7 ના રાત્રીના 9:00 વાગ્યાથી લઈને તા 18/7ના સવારના 6:00 વાગ્યા સુધીના સમયગાળા દરમિયાન કોઈપણ સમયે અજાણ્ય દ્વારા તેઓના બંધ રહેણાંક મકાનમાં દરવાજાના નકુચા તોડીને તાળું બહાર કાઢી નાખ્યું હતું અને ઘરની અંદર પ્રવેશ કર્યો હતો ત્યારબાદ લોખંડના કબાટની અંદર રાખવામાં આવેલ સોના ચાંદીના દાગીના તથા રોકડા રૂપિયા અને ઘડિયાળ વગેરે મળીને 7,36,900 ની કિંમતના મુદ્દામાલની ચોરી કરેલ છે જેથી આધેડ દ્વારા નોંધાવવામાં આવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે આ અંગેની આગળની વધુ તપાસ પીએસઆઈ એચ.આર. જાડેજા ચલાવી રહ્યા છે

અકસ્માતમાં ઇજા

મોરબીના કાલિકાનગર ગામે રહેતા સોમાભાઈ વસ્તાભાઇ બોસિયા (51) એ ક્રેટા ગાડી નંબર જીજે 36 એલ 6024 ના ચાલક સામે મોરબી તાલુકા પોલીસ સ્ટેશનમાં ફરિયાદ નોંધાવી છે જેમાં જણાવ્યુ છે કે, લખધીરપુર રોડ ઉપર આવેલ ચોકડી પાસે તેઓ પોતાની સીએનજી રીક્ષા નંબર જીજે 36 યુ 6523 લઈને પેસેન્જર ન મુકવા માટે થઈને ગયા હતા અને ત્યાંથી પરત આવી રહ્યા હતા ત્યારે ક્રેટા ગાડીને ચાલકે પાછળથી ફરિયાદીની રીક્ષાને ઠોકર મારી હતી જેથી રીક્ષા પલટી મારી ગઈ હતી જેમાં યુવાનને ડાબા હાથના ખભામાં ફ્રેક્ચર તથા માથાના ભાગે અને શરીરે ઇજાઓ થઈ હતી જેથી તેને સારવાર માટે હોસ્પિટલે લઈ ગયા હતા અને ત્યારબાદ તેણે નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે