વાંકાનેર તાલુકાની શિક્ષિકાઓએ ચૂંટણી ફરજ પૂર્ણ કર્યા બાદ અન્યાય મુદે આપ્યું આવેદનપત્ર
Morbi Today
હળવદના કડીયાણા ગામે વાડીએથી ચોરી કરેલા 1 લાખના કોપર વાયર સાથે આરોપીની ધરપકડ
SHARE
JOIN OUR GROUP
હળવદના કડીયાણા ગામે વાડીએથી ચોરી કરેલા 1 લાખના કોપર વાયર સાથે આરોપીની ધરપકડ
હળવદના કડીયાણા અને ચરાડવા ગામની વચ્ચે બાર બોર નામે ઓળખાતી સીમમાં વૃદ્ધની વાડી આવેલી છે અને તે વાડીની ઓરડીની અંદર રાખવામાં આવેલ કોપર વાયરના જથ્થાની ચોરી કરવામાં આવી હતી જેથી 1 લાખ રૂપિયાની કિંમતના કોપર વાયરની ચોરી થઈ હોવાની વૃદ્ધે અજાણ્યા શખ્સની સામે ફરિયાદ કરી હતી જે ગુનામાં પોલીસે ચોરીમાં ગયેલા કોપર વાયર સાથે આરોપીની ધરપકડ કરીને આગળની કાર્યવાહી કરેલ છે.
મોરબીના રવાપર રોડ ઉપર આવેલ મારુતિનગર વિદ્યુતનગરની બાજુમાં રહેતા લાલજીભાઈ અણદાભાઇ સિણોજીયા (60)એ થોડા સમય પહેલા અજાણ્યા શખ્સની સામે હળવદ તાલુકા પોલીસ સ્ટેશન ખાતે ચોરીની ફરિયાદ નોંધાવેલ હતી જેમાં જણાવ્યુ હતું કે, હળવદના કડીયાણા અને ચરાડવા ગામની વચ્ચે બાર બોર નામની ઓળખાતી સીમમાં તેઓની તેઓની વાડી આવેલી છે અને તે વાડીની ઓરડીમાં અજાણ્ય શખ્સ દ્વારા પ્રવેશ કરીને ત્યાં રાખવામાં આવેલ સબમર્સીબલ મોટરનો કેબલ કોપર વાયર આશરે 1600 ફૂટ જેની કિંમત 1 લાખ રૂપિયા થાય છે તેની ચોરી કરવામાં આવેલ છે જેથી ભોગ બનેલા વૃદ્ધે નોંધાવેલ ફરીયાદ આધારે પોલીસે અજાણ્ય શખ્સની સામે ગુનો નોંધીને આરોપીને પકડવા માટે તજવીજ શરૂ કરી હતી તેવામાં હળવદ તાલુકાના સુસવાવ ગામે રહેતા કેશુભાઈ ઉકાભાઈ રાઠોડ પાસેથી ચોરીમાં ગયેલ કોપર વાયર મળી આવેલ છે જેથી કરીને 1 લાખનો મુદામાલ કબ્જે કરીને પોલીસે આરોપીની ધરપકડ કરીને આગળની કાર્યવાહી કરેલ છે.
