મોરબીના લુટાવદર પાસે રોજડૂ આડુ આવતા સર્જાયેલ અકસ્માતમાં ઇજા પામેલા યુવાનનું મોત
Morbi Today
મોરબીનાં ચકમપર(જી) ગામે યુવાનને માર મરનારા બે શખ્સોની ધરપકડ
SHARE
JOIN OUR GROUP
મોરબીનાં ચકમપર(જી) ગામે યુવાનને માર મરનારા બે શખ્સોની ધરપકડ
મોરબીનાં ચકમપર(જીવાપર) ગામે રહેતા યુવાન સાથે અગાઉ બોલાચાલી થયેલ હતી તે બાબતનો ખાર રાખીને તેને ગાળો આપી હતી અને ધોકા તેમજ પાઇપ વડે બે શખ્સો દ્વારા યુવાનને માર મારવામા આવ્યો હતો જેથી ભોગ બનેલા યુવાને ફરિયાદ નોંધાવી હતી જેના આધારે પોલીસે બંને આરોપીની ધરપકડ કરેલ છે
બનાવની જાણવા મળતી માહિતી મુજબ મોરબી તાલુકાનાં ચકમપર(જીવાપર) ગામે પ્લોટ વીસ્તારમાં રહેતા દિનેશભાઇ કાંતીભાઇ ચૌહાણ (ઉ. ૩૨)એ કિશનભાઇ ઉર્ફે ત્રિભુવનભાઇ વાલજીભાઇ ચૌહાણ અને દેવજીભાઇ વાલજીભાઇ ચૌહાણ રહે બન્ને ગામ ચકમપર વાળાની સામે ફરિયાદ નોંધાવી હતી જેમાં તેને જણાવ્યુ હતું કે, ગત તા.૧૬/૧૨ ના સાંજના છએક વાગ્યાના અરસામા ચકમપર ગામે આવેલ પાણીના આરો પ્લાન પાસે ફરીયાદી યુવાનને આરોપીઓ અગાઉ બોલાચાલી થયેલ હતી તે બાબતનો ખાર રાખીને ગાળો આપી હતી અને ફરીયાદી યુવાન સાથે ઝપાઝપી કરી હતી અને ત્યારે આરોપી કિશનભાઇ ઉર્ફે ત્રિભુવનભાઇ વાલજીભાઇ ચૌહાણએ ફરીયાદી યુવાનને જમણા હાથમા લાકડાના ધોકાથી માર મરેલ હતો અને દેવજીભાઇ વાલજીભાઇ ચૌહાણએ લોખંડના પાઇપથી માથા અને જમણા પગમા માર માર્યો હતો જેથી ભોગ બનેલા યુવાને ફરિયાદ નોંધાવતાં પોલીસે ગુનો નોંધીને હાલમાં બંને આરોપી કિશનભાઇ ઉર્ફે ત્રિભુવનભાઇ વાલજીભાઇ ચૌહાણ (૩૦) અને દેવજીભાઇ વાલજીભાઇ ચૌહાણ (૩૫) રહે બન્ને ચકમપર વાળાની ધરપકડ કરેલ છે
અકસ્માતમાં ઇજા
મોરબીના મકનસર ગામ પાસે સર્વિસ રોડ પર ઉભેલા ટ્રેલરમાંથી નીચે ઉતરતા સમયે અન્ય વાહન ચાલકે અડફેટે લેતા રાજુભાઈ ભુરાભાઈ (ઉંમર ૫૫) રહે. કચ્છ (ભુજ) વાળાને ઇજાઓ થઇ હોવાથી તેને સારવાર માટે ખસેડવામાં આવ્યા હતા અને અકસ્માતના બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી
