મોરબીના ગોર ખીજડીયા ગામ પાસે તળાવ નજીકથી અજાણ્યા વ્યક્તિનો મૃતદેહ મળ્યો
Morbi Today
ગુજરાતમાં દારૂબંધીને ધજાગરા !: મોરબીના આંદરણા ગામે સરકારી શાળામાં શિક્ષક નશાની હાલતમાં વિદ્યાર્થીઓને ભણાવતા ઝડપાયો, ક્લાસરૂમમાંથી દારૂની અડધી બોટલ મળી
SHARE
JOIN OUR GROUP
ગુજરાતમાં દારૂબંધીને ધજાગરા !: મોરબીના આંદરણા ગામે સરકારી શાળામાં શિક્ષક નશાની હાલતમાં વિદ્યાર્થીઓને ભણાવતા ઝડપાયો, ક્લાસરૂમમાંથી દારૂની અડધી બોટલ મળી
ગુજરાતમાં દારૂબંધી હોવા છતાં પણ ઠેર ઠેર દારૂની બોટલો મળતી હોય છે તે તો સમજી શકાય પરંતુ મોરબી તાલુકાના આંદરણા ગામે આવેલ સરકારી શાળામાં શિક્ષક નશાની હાલતમાં વિદ્યાર્થીઓને ક્લાસરૂમમાં ભણાવતો હોય અને ક્લાસરૂમમાંથી જ દારૂની બોટલ પણ મળે તેવી ઘટના સામે આવી છે જેથી હાલમાં મોરબી તાલુકા પોલીસ સ્ટેશન ખાતે શિક્ષકની સામે ગુનો નોંધીને પોલીસે આરોપીને પકડવા માટે તજવીજ શરૂ કરેલ છે.
વર્તમાન સમયમાં દારૂ, ગાંજો, ડ્રગ્સ વિગેરે જેવી નશાકારક વસ્તુઓનું વેચાણ થતું હોય તેવો ઘાટ મોરબી સહિત ગુજરાતમાં જોવા મળી રહ્યો છે અને ઠેર ઠેર દારૂની ખાલી બોટલો પણ જોવા મળતી હોય છે આટલું નહીં પરંતુ કરોડો રૂપિયાનો દારૂ પોલીસની જુદી જુદી બ્રાન્ચ દ્વારા પકડવામાં પણ આવતો હોય છે તેમ છતાં પણ દારૂનું ખુલ્લેઆમ વેચાણ થતું હોય તેવો એક ઘાટ મોરબીની અંદર જોવા મળ્યો છે. મોરબી હળવદ હાઇવે રોડ ઉપર આવેલ આંદરણા ગામે સરકારી શાળામાં રાજુભાઈ પરમાર નામના શિક્ષક વિદ્યાર્થીઓને ક્લાસની અંદર ભણાવતા હતા ત્યારે તે નશાની હાલતમાં હોવા અંગેની ગામની અંદર રહેતા નિવૃત આર્મીમેન અનિલભાઈ તથા ગામના મહિલા સરપંચના પતિ નીતેશભાઇ ચાવડા ને જાણ થઈ હતી.
જેથી તેઓ તાત્કાલિક નિશાળે પહોંચ્યા હતા અને ત્યારે શાળાના ક્લાસરૂમમાં શિક્ષક રાજુભાઈ પરમાર હાજર ન હતા પરંતુ તે ક્લાસરૂમની અંદર ચેક કરવામાં આવતા સ્થળ ઉપરથી પ્લાસ્ટિકની બેગમાંથી દારૂની અડધી ભરેલી બોટલ તથા પ્લાસ્ટિકની બોટલમાં પાણી ભરેલું મળી આવ્યું હતું અને ત્યારબાદ અનિલભાઈ અને નીતેશભાઈએ શિક્ષક રાજુભાઈને શોધવા માટે થઈને શાળામાં જુદા જુદા રૂમમાં ચેક કર્યું હતું.
ત્યારે ઓફિસમાંથી રાજુભાઈ પરમાર મળી આવ્યા હતા અને તેઓ નશાની હાલતમાં હતા અને શિક્ષક શાળાની અંદર નશો કરીને વિદ્યાર્થીઓને ભણાવતો હોય આવી ઘટના સામે આવી હોવાથી આ બનાવની મોરબી તાલુકા પોલીસને જાણ કરવામાં આવી હતી ત્યારબાદ મોરબી તાલુકા પોલીસ સ્ટેશન ખાતે હાલમાં સરકારી શાળાના શિક્ષક રાજુભાઈ પરમાર સામે ગુનો નોંધીને પોલીસે આરોપીને પકડવા માટે આગળની કાર્યવાહી હાથ ધરી છે.
