મોરબી નજીક જુદાજુદા બે કારખાનામાં કોઈ કારણોસર વૃદ્ધ અને યુવાનનું મોત
Morbi Today
મોરબીના લાલપર ગામ પાસે યુવાન અને મકનસર ગામે યુવતીએ ગળાફાંસો ખાઈને કર્યો આપઘાત
SHARE
JOIN OUR GROUP
મોરબીના લાલપર ગામ પાસે યુવાન અને મકનસર ગામે યુવતીએ ગળાફાંસો ખાઈને કર્યો આપઘાત
મોરબીના લાલપર ગામ પાસે આવેલ ઇપોસ સ્ટાઈલ કોલોનીના લેબર ક્વાર્ટરની અંદર રહેતા યુવાને ગળાફાંસો ખાઈને આપઘાત કર્યો છે જ્યારે મોરબી નજીકના મકાનસર ગામે રહેતી યુવતીએ કોઈ અગમ્ય કારણોસર પોતાના ઘરની અંદર ગળાફાંસો ખાઈને આપઘાત કર્યો છે આ બંને બનાવની મોરબી તાલુકા પોલીસ સ્ટેશન ખાતે જાણ કરતા પોલીસે બનાવોની નોંધ કરી આગળની રાબેતા મુજબની કાર્યવાહી હાથ ધરી છે.
મોરબીના લાલપર ગામ પાસે આવેલ ઇપોસ સ્ટાઈલ કોલોનીમાં રહેતા નીરજ ઓમાન (21) નામના વર્ષના યુવાને લેબર કોલોનીમાં પોતાની ઓરડીની અંદર કોઈ કારણોસર ગળાફાંસો ખાઈ લીધો હતો જેથી કરીને તેનું મોત નીપજ્યું હતું ત્યાર બાદ આ બનાવની સાગરભાઇ શાંતિલાલ વરમોરા રહે. લાલપર વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે આપઘાતના બનાવની નોંધ કરી મૃતક યુવાને કયા કારણોસર આપઘાત કર્યો છે તે દિશામાં તપાસ કરી છે.
જ્યારે બીજા બનાવમાં મોરબી વાંકાનેર હાઇવે રોડ ઉપર આવેલ મકનસર ગામે રહેતા બીપીનભાઈ પાંડેની દીકરી રિયાબેન (20) એ કોઈ કારણોસર પોતે પોતાના ઘરની અંદર ગળાફાંસો ખાઈ લીધો હતો જેથી કરીને તે યુવતીનું મોત નીપજ્યું હતુ ત્યારબાદ તેના મૃતદેહને મોરબીની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે
