મોરબીમાં જુદીજુદી ત્રણ સંસ્થા દ્વારા ફ્રી કેન્સર સ્ક્રિનિંગ કેમ્પ યોજાયો

મોરબી ઇન્ડિયન લાયોનેસ, પાટીદાર વુમન્સ પાવર ક્લબ તેમજ શ્રી ઉમિયા સેવા આરોગ્ય સમિતિ દ્વારા ફ્રી કેન્સર સ્ક્રિનિંગ કેમ્પનુ મોરબીના શનાળા રોડ પર આવેલ સંસ્કારધામ ઈમેજિંગ સેન્ટર ખાતે આયોજન કરવામાં આવ્યું હતું આ કેમ્પમાં અમદાવાદ થી નિષ્ણાત ડોકટરો ની ટીમ સેવા આપવા માટે આવી હતી. અને દર્દીઓનું કેન્સરના પ્રાથમિક લક્ષણોનું સ્ક્રિનિંગ કર્યું હતું. આ કેમ્પનો 146 દર્દીઓએ લાભ લીધેલ હતો. આ કેમ્પમાં મેમોગ્રાફી, સર્વાઇકલ કેન્સર અને ઓરલ કેન્સરનુ સ્ક્રીનીંગ કરવામાં આવ્યું હતું. કેન્સર સ્ક્રીનીંગ કેમ્પમાં સેવા આપનાર ડોકટરોની ટીમની સેવાને બિરદાવવા માટે પાટીદાર વુમન્સ પાવર ગ્રુપ, ઇન્ડિયન લાયોનેસ ક્લબ મોરબી અને શ્રી ઉમિયા સેવા સમિતિ દ્વારા શિલ્ડ આપી ડોક્ટરોનું સન્માન કરવામાં આવ્યું હતું. આ કેન્સર સ્ક્રીનીંગ કેમ્પમાં આવેલ તમામ લોકોનું સ્ક્રીનીંગ નિશુલ્ક કરવામાં આવ્યું હતું તેમજ કેમ્પમાં ત્રણેય સંસ્થાના સભ્યોએ સહયોગ આપી કેમ્પને સફળ બનાવ્યો હતો.